చాణక్యలో సునీల్ కు సూపర్ రోల్

హీరోగా తొలినాళ్ళలో మంచి విజయాలు దక్కించుకుని ఆ తర్వాత వరస వైఫల్యాలతో ఉనికిని ప్రశ్నార్థకంగా మార్చుకున్న సునీల్ మళ్ళి సపోర్టింగ్ రోల్స్ కు వచ్చేసి ఆఫర్స్ బాగానే రాబట్టుకుంటున్నాడు. అరవింద సమేత వీర రాఘవతో మొదలు రవితేజ డిస్కో రాజా దాకా కాస్త చెప్పుకోదగ్గ పాత్రలే వస్తున్నాయి. అయితే గోపిచంద్ చాణక్యలో పాత్ర మాత్రం కొంత వెయిటేజ్ ఎక్కువ ఉంటుందని ఇన్ సైడ్ టాక్.

అవుట్ అండ్ అవుట్ యాక్షన్ స్పై థ్రిల్లర్ గా రూపొందుతున్న చాణక్యలో సునీల్ రోల్ కామెడీతో పాటు యాక్షన్ మోడ్ కూడా జోడించుకుందట. సునీల్ టైమింగ్ ని పర్ఫెక్ట్ గా వాడుకునేలా దీన్ని డిజైన్ చేసినట్టు తెలిసింది. కరెక్ట్ గా కుదిరితే సునీల్ చాలా కాలం తర్వాత సినిమా సక్సెస్ లో తన పాత్రా భాగమయ్యే రేంజ్ లో ఉందట.  ఏదైతేనేం సునీల్ మొత్తానికి తన ఒరిజినల్ ట్రాక్ లోకి వచ్చాడు. ఇది రెండు మూడేళ్ళ క్రితమే తీసుకోవాల్సిన నిర్ణయం.  

అప్పటికే హీరోగా ఉన్న కమిట్ మెంట్స్ బాలన్స్ ఉండటంతో అవేమైనా ఆడతాయేమోనన్న ఆశతో సునీల్ వేచి చూశాడు. కాని దేనికదే తీసికట్టు ఫలితాలు అందుకోవడంతో పాత రూట్ లోకి వచ్చాడు. కొత్త తరం కమెడియన్లు ఎందరు వస్తున్నా లాంగ్ రన్ లో ఎక్కువ సినిమాల్లో మెప్పించలేకపోతున్నారు. పాతిక సినిమాలు దాటకుండానే మొనాటనీ ఫీలింగ్ వస్తోంది. ఈ నేపద్యంలో సునీల్ కనక సాలిడ్ గా నిలబడితే మరోసారి పదేళ్ళ కెరీర్ ని ఈజీగా నిలబెట్టుకోవచ్చు. మరి చాణక్య గురించి వినిపిస్తున్న టాక్ నిజమైతే కనక ఇదే మొదటి అడుగు అనుకోవచ్చు