'సర్కారు వారి పాట' నుంచి 'దుబాయ్ డైరీస్' వీడియో..!

సూపర్‌ స్టార్ మహేష్ బాబు - డైరెక్టర్ పరశురామ్ కాంబోలో తెరకెక్కుతున్న సినిమా ''సర్కారు వారి పాట''. మైత్రీ మూవీ మేకర్స్ - జీఎమ్బీ ఎంటర్టైన్మెంట్స్ - 14 రీల్స్ ప్లస్ సంస్థలు కలిసి ఈ చిత్రాన్ని నిర్మిస్తున్నాయి. ఇందులో మహేష్ కపక్కన కీర్తి సురేష్ కథానాయికగా నటిస్తోంది. ఇటీవలే దుబాయ్ లో ఈ సినిమా రెగ్యులర్ షూటింగ్ ప్రారంభమైంది. అక్కడ ఫైట్ మాస్టర్స్ రామ్ లక్ష్మణ్ ఆధ్వర్యంలో విదేశీ ఫైటర్స్ తో హై వోల్టేజ్ యాక్షన్ సన్నివేశాలను.. మహేష్‌ తో చేజ్ ఎపిసోడ్‌ ను చిత్రీకరించారు. దుబాయ్ షెడ్యూల్ సక్సెస్ ఫుల్ గా జరుగుతుండటం పట్ల మహేష్ తో పాటు చిత్ర యూనిట్ హ్యాపీగా ఉంది. ఈ నేపథ్యంలో అభిమానుల కోసం 'సర్కారు వారి పాట' టీమ్ స్పెషల్ ట్రీట్ రెడీ చేస్తోందని తెలుస్తోంది.

'దుబాయ్ డైరీస్' పేరుతో అక్కడ 'సర్కారు వారి పాట' షూటింగ్ విషయాలను తెలియజేస్తూ ఓ వీడియో విడుదల చేయాలని బృందం ఆలోచిస్తోంది. ఈ వీడియోను ఫిబ్రవరి 21న రిలీజ్ చేస్తారని సమాచారం. ఇందులో అద్భుతమైన విజువల్స్ ఫ్యాన్స్ కి ట్రీట్ ఇవ్వనున్నాయి. ఇకపోతే దుబాయ్ లో సెకండ్ షెడ్యూల్ స్టార్ట్ అయిందని కీర్తి సురేష్ ట్విట్టర్ వేదికగా వెల్లడించింది. అక్కడ చిత్రీకరణ పూర్తి చేసుకున్న వెంటనే చిత్ర యూనిట్ హైదరాబాద్ కి తిరిగి రానున్నారు. తదుపరి షెడ్యూల్ అమెరికాలో ప్లాన్ చేస్తున్నారని తెలుస్తోంది. ఈ చిత్రానికి థమన్ సంగీతం సమకూరుస్తుండగా.. మది సినిమాటోగ్రాఫర్ గా వ్యవహరిస్తున్నారు. 'సర్కారు వారి పాట' చిత్రాన్ని 2022 సంక్రాంతికి ప్రేక్షకుల ముందుకు తీసుకురానున్నట్లు ఇటీవలే ప్రకటించారు.