డీజేలో గబ్బర్ సింగ్ అంత్యాక్షరి?!

డీజే-దువ్వాడ జగన్నాధం అంటూ అల్లు అర్జున్ ఓ మూవీ తెరకెక్కిస్తున్న సంగతి తెలిసిందే. హరీష్ శంకర్ దర్శకత్వంలో రూపొందుతున్న ఈ మూవీపై చాలా రకాల టాక్స్ వినిపిస్తున్నాయి. అదుర్స్ లో ఎన్టీఆర్ చేసిన చారి టైపు పాత్రలో బన్నీ కనిపిస్తాడని అన్నారు కానీ.. రీసెంట్ గా షూటింగ్ స్పాట్ నుంచి లీక్ అయిన ఫోటోలు చూస్తే ఈ టాక్ పై అనుమానాలు కలిగాయి.

ఇప్పుడు లేటెస్ట్ టాక్ ఏంటంటే.. డీజే మూవీలో గబ్బర్ సింగ్ లో అంత్యాక్షరి టైపులో ఓ సూపర్బ్ సీక్వెన్స్ ఉంటుందిట. నిజానికి ఈ అంత్యాక్షరి ఆలోచన పవన్ దే అయినా.. దాన్ని అద్భుతంగా డెవలప్ చేశాడు హరీష్ శంకర్. ఇప్పుడు అదే కాకపోయినా.. అంతకు మించిన ఓ సీక్వెన్స్ ను సిద్ధం చేశాడట హరీష్ శంకర్. కొన్ని నిమిషాల పాటు కంటిన్యూగా ఫుల్ కామెడీతో ఈ ఎపిసోడ్ అదిరిపోతుందని అంటున్నారు.

పవన్ గురించి మాట్లాడమంటేనే 'చెప్పను బ్రదర్' అని వివాదం రాజేసిన బన్నీ.. ఇప్పుడు పవన్ కళ్యాణ్ సినిమా రిఫరెన్స్ ఉండేలా సీన్ చేస్తుండడం అంటే మాత్రం.. డీజే మూవీకే హైలైట్ అనాల్సిందే.

Like Us on Facebook : https://www.facebook.com/Tupakidotcom/