బర్త్ డే బేబీ హెబ్బా.. ఈ సంగతులు తెలుసా?

కుమారి 21 ఎఫ్ మూవీలో బోల్డ్ యాక్టింగ్ తో ప్రేక్షకులను మెస్మరైజ్ చేసిన హెబ్బా పటేల్ పుట్టిన రోజు ఇవాళే(జనవరి 6). టీనేజ్ అందాలు కురిపిస్తున్నా ఈ అమ్మడి వయసు జస్ట్ థర్టీ ప్లస్ అంటే ఆశ్చర్యం వేయక మానదు. ఈమె 1986లో పుట్టిందటలే. (వికీపీడియాలో అలాగే రాసుంది బాసూ) మహరాష్ట్రలో పుట్టిన హెబ్బా.. జర్నలిస్ట్ అయిపోవాలనే టార్గెట్ తో మాస్ కమ్యూనికేషన్స్ చదివేసింది.

అయితే.. పాకెట్ మనీ కోసం ఫ్యాషన్ షోలలో స్టేజ్ వెనక పనులు చూసుకునేది. ఆమెలోని గ్లామర్ ని గుర్తించి స్టేజ్ పైకి తీసుకొస్తే.. సినిమా రంగంలో సత్తా చాటేసే రేంజ్ కి ఎదిగింది హెబ్బా. టాలీవుడ్ లో అలా ఎలా అనే మూవీతో 2014లో అరంగేట్రం చేసిన ఈ సుందరి.. అంతకంటే ముందే అదే ఏడాది కన్నడ మూవీ అధ్యక్షా - కోలీవుడ్ సినిమా తిరుమానం ఎనుం నిక్కా అనే సినిమాలతో కూడా ఎంట్రీ ఇచ్చింది. టాలీవుడ్ లో ఈ భామకు గుర్తింపు తెచ్చిపెట్టిన సినిమా కుమారి 21ఎఫ్. ఆ సినిమాలో చేసిన బోల్డ్ యాక్టింగ్ తో కుర్రకారు మనసు దోచేసిన హెబ్బా.. ఆ తర్వాత ఫ్లాప్ లేకుండా దూసుకుపోతోంది.

ఈడోరకం ఆడోరకం.. ఎక్కడికిపోతావు చిన్నవాడా.. నాన్న నేను నా బాయ్ ఫ్రెండ్స్ చిత్రాలతో మంచి సక్సెస్ లను సాధించింది. తొలిసారిగా కెరీర్ లో మెగా ఛాన్స్ అందుకున్న హెబ్బా.. మిస్టర్ మూవీలో వరుణ్ తేజ్ సరసన కనిపించనుంది. ఇప్పటివరకూ ఈమె చేసిన సినిమాల్లో మిస్టర్ చాలా స్పెషల్. ఇప్పటికే గోల్డెన్ లెగ్ అనిపించుకుంటున్న హెబ్బా.. మిస్టర్ తో కూడా సక్సెస్ సాధిస్తే.. టాలీవుడ్ టాప్ హీరోయిన్ స్లాట్ కి రేసులో అడుగు ముందుకు వేసినట్లే. కుమారి హెబ్బాకి బర్త్ డే విషెస్ తో పాటు బెస్టాఫ్ లక్ కూడా చెప్పేద్దాం.

Like Us on Facebook : https://www.facebook.com/Tupakidotcom/