టీజర్ టాక్: జై దమ్ము.. కుశ యమదొంగ

'జై లవ కుశ' సినిమాతో తన అన్నయ్య కళ్యాణ్‌ రామ్ ను ఆర్థిక ఇబ్బందుల నుండి బయటపడేయాలని తెగ కష్టపడుతున్నాడు జూనియర్ ఎన్టీఆర్. కాకపోతే ఈ సినిమాను రికార్డు టైములో సూటింగ్ కంప్లీట్ చేయడం వలన కాబోలు.. ఇప్పుడు క్వాలిటీ పరంగా చూసుకుంటే మాత్రం కాస్త తేడా కొడుతోంది. ఆల్రెడీ ముందొచ్చిన టీజర్లలో ఆ విషయం స్పష్టంగా కనిపిస్తే.. ఇప్పుడు అది మరింత ఎక్కువైంది.

జై లవ కుశలో ఎన్టీఆర్ చేస్తున్న మూడు పాత్రలూ చాలా కొత్తగా ఉంటాయని అనుకుంటే.. ఆ మూడు పాత్రలూ కూడా ఇతర సినిమాలను పోలి ఉండటం కాస్త కామెడీగా ఉంది. ముందులో వచ్చిన జై పాత్రను చూస్తే.. దమ్ము సినిమాలో ఎన్టీఆర్ కోత మొదలైంది అంటూ పలికే సీన్లలో ఎలా ఉన్నాడో అలాగే కనిపిస్తున్నాడు. ఆ తరువాత వచ్చిన లవ టీజర్ లో.. అచ్చం జనతా గ్యారేజ్ అండ్ నాన్నకు ప్రేమతో సినిమాల్లో ఎలాగైతే సాఫ్ట్ యాక్టింగ్ చేశాడో.. అదే కనిపించింది. ఇప్పుడు కుశ టీజర్లో అయితే.. ఒక దొంగలా డబ్బులు కొట్టేస్తే అమెరికా వెళిపోదాం అనుకునే పాత్రను చూస్తే.. మనకు మాత్రం యమదొంగలో ఎన్టీఆర్ గౌను కొట్టేసే సీన్లో ఎలా ఉన్నాడో అలాగే కనిపిస్తున్నాడు.

ఈ సినిమాలో మూడు పాత్రలూ చాలా వైవిధ్యంగా ఉంటాయని అనుకుంటే.. అవి అచ్చం ఎన్టీఆర్ గత సినిమాల్లోని పాత్రల్లా ఉండటం అభిమానులకు అంతగా కిక్కివ్వట్లేదు. కె.ఎస్.రవీంద్ర డైరక్షన్లో రూపొందుతు్న ఈ సినిమాను సెప్టెంబర్ 21న విడుదల చేస్తున్నారు. ఇప్పటికే మూడు పాత్రల టీజర్లు వచ్చేసిన దృష్ట్యా ఇప్పుడు ట్రైలర్ ఎలా ఉండబోతుందో చూడాలి!!
Full View