సంక్రాంతి తర్వాతే మహేష్ 'సర్కారు వారి పాట' సెట్స్ మీదకి..

సూపర్ స్టార్ మహేష్ బాబు, డైరెక్టర్ పరశురామ్ కాంబినేషన్ లో 'సర్కారు వారి పాట' అనే సినిమా తెరకెక్కనున్న సంగతి తెలిసిందే. వరుస హిట్లలో ఉన్న మహేష్ బాబు సర్కారు వారి పాటతో మరోసారి బాక్సాఫీస్ వద్ద సత్తా చూపేందుకు రెడీ అవుతున్నాడు. పరశురామ్ - మహేష్ ల కాంబినేషన్ పక్కా కొత్తగా ఉండబోతుందని ఇండస్ట్రీ టాక్. ఎందుకంటే 'సర్కారు వారి పాట' టైటిల్ తోనే విపరీతంగా బజ్ క్రియేట్ చేశారు. ఇప్పటికే ఈ సినిమా మోషన్ పోస్టర్ విడుదల చేయగానే ప్రేక్షకుల నుండి ఊహించని రేంజిలో స్పందన లభించింది. ఇందులో మ‌హేష్ లాంగ్ హెయిర్, లైట్ బియర్డ్ తో ఇంత‌క ముందెప్పుడూ చూడని మాస్ లుక్‌లో కనిపించి కిక్ ఇచ్చాడు. ఇక ఈ మూవీ బ్యాంకు కుంభకోణాల నేపథ్యంలో సామాజిక అంశాలను చర్చలోకి తీసుకొస్తుందట.

ఈ సినిమాలో హీరో బ్యాంకు మేనేజర్ గా కనిపించనున్నాడని టాక్. అయితే తాజా సమాచారం ప్రకారం.. పరశురామ్ టీమ్ ఈ సినిమాకోసం రామోజీ ఫిల్మ్ సిటీలో బ్యాంకు సెట్ రెడీ చేశారు. ఈ సెట్ లోనే మాక్సిమం షూటింగ్ అయిపోతుందని అంటున్నారు. సెట్ కోసం నిర్మాతలు భారీగానే ఖర్చు పెట్టారట. అయితే ఇదివరకే అమెరికాలో షూటింగ్ జరపాల్సిన షెడ్యూల్ ఉండగా.. అక్కడ కరోనా కేసులు వ్యాప్తి, వీసా ప్రాబ్లెమ్స్ వలన షూటింగ్ ఇండియాకి మార్చారట. అయితే రామోజీ ఫిల్మ్ సిటీలో జనవరి ఫస్ట్ వీక్ లో ప్రారంభం కావాల్సి ఉండగా మహేష్ సంక్రాంతి తర్వాత స్టార్ట్ చేద్దామని మేకర్స్ కి సూచించాడట. అంటే సర్కారు వారి పాట మొదలయ్యేది సంక్రాంతి తర్వాతే అన్నమాట. ఇక ఇందులో మహేష్ సరసన కీర్తి సురేష్ రొమాన్స్ చేయనుంది. ఈ సినిమాను మైత్రి మూవీస్ తో పాటు జిఎంబి ఎంటర్టైన్మెంట్స్.. 14రీల్స్ ప్లస్ సంస్థలు నిర్మించనున్నాయి.