మ‌హేశ్ ఫ్యాన్స్ పండుగ చేసుకునే వార్త‌

ఇప్పుడు చెప్పే వార్త  ప్రిన్స్ మ‌హేశ్ బాబు అభిమానుల‌కు నిజంగా పండ‌గ లాంటి వార్తే. తాజాగా ఆయ‌న న‌టిస్తున్న స్పైడ‌ర్ చిత్ర టీజ‌ర్ ఎంత దుమ్ము రేపుతుందో తెలిసిందే. ఒక డిజాస్ట‌ర్ త‌ర్వాత వ‌స్తున్న మ‌హేశ్ తాజా చిత్రంపై చాలానే అంచ‌నాలుఉన్నాయి. స్టార్ డైరెక్ట‌ర్ మురుగ‌దాస్ ద‌ర్శ‌క‌త్వంతో వ‌స్తున్న స్పైడ‌ర్ కు సంబంధించిన టీజ‌ర్ ను ఇటీవ‌ల విడుద‌ల చేయ‌టం.. ఆదో పెద్ద హాట్ టాపిక్ గా మారి.. సినిమా మీద అంచ‌నాల్ని భారీగా పెంచేసింది.

టీజ‌ర్ తో సినిమాకు వ‌చ్చిన క్రేజ్‌ ను మ‌రింత పెంచేందుకు వీలుగా మ‌రో టీజ‌ర్‌ ను విడుద‌ల చేయాల‌ని చిత్ర బృందం భావిస్తోంది.  మ‌హేశ్ బాబు తాజా చిత్రం స్పైడ‌ర్ మీద అంచ‌నాలు పీక్స్ తీసుకెళ్ల‌టంలో భాగంగా 167 ఫ్రేమ్ ల‌తో మ‌రో టీజ‌ర్ ను త‌యారు చేయ‌నున్న‌ట్లుగా తెలుస్తోంది. మొద‌టి టీజ‌ర్ మాదిరే.. రెండో టీజ‌ర్‌ లోనూ చిత్ర కాన్సెప్ట్ ను బ‌య‌ట‌కు రాకుండా జాగ్ర‌త్త‌లు తీసుకుంటారని చెబుతున్నారు. త్వ‌ర‌లో విడుద‌ల చేసే టీజ‌ర్లో మ‌హేశ్‌ వి రెండు డైలాగులు కూడా ఉంటాయ‌ని స‌మాచారం.

ఈ టీజ‌ర్‌ ను క‌ట్ చేసేందుకు ప్ర‌త్యేక శ్ర‌ద్ధ వ‌హిస్తున్నార‌ని.. దీన్ని మ‌హేశ్ పుట్టిన రోజు సంద‌ర్భంగా విడుద‌ల చేస్తార‌ని చెబుతున్నారు.  ఈ టీజ‌ర్ మ‌రో ప్ర‌త్యేకత ఏమిటంటే.. సినిమాకు సంబంధించిన ముఖ్య‌మైన స‌న్నివేశాల‌కు సంబంధించిన షాట్స్ ఉంటాయంటున్నారు. ఇదంతా చ‌దివితే.. విడుద‌ల‌కు ముందే సినిమాకు హైప్ పెంచ‌టం తర్వాత‌.. టీజ‌ర్‌ కు సైతం హైప్ తీసుకొస్తున్న‌ట్లుగా అనిపించ‌ట్లేదు?

Like Us on Facebook : https://www.facebook.com/Tupakidotcom/