లిరికల్ వీడియో: నీలికన్నుల మాయాజాలం

క్రేజీగా యూత్ లో పిచ్చ ఫాలోయింగ్ సంపాదించుకున్న విజయ్ దేవరకొండ కొత్త సినిమా డియర్ కామ్రేడ్ పాటల సందడి మొదలైంది. మొదటి ఆడియో సింగల్ నీ నీలి కన్నుల్లోనా ఈ రోజు రిలీజ్ చేశారు. తను ఇష్టపడిన ప్రేమించిన అమ్మాయిని వర్ణిస్తూ హీరో పడే తీయని వేదన వర్ణించిన తీరు హృదయాన్ని హత్తుకునేలా ఉంది. రెహమాన్ లిరిక్స్ లో ఫ్రెష్ నెస్ ఉంది. ప్రేయసి గొప్పదనాన్ని ఒద్దికైన పదాల్లో వర్ణించిన తీరు అతనిలో భావకుడికి అద్దం పడుతోంది.

జస్టిన్ ప్రభాకర్ కూల్ మెలోడీ ఈ ఏడాది టాప్ లవ్ సాంగ్స్ లో చోటు దక్కించుకోవడం ఖాయం అనిపించేలా ఉంది. వీడియో విజువల్స్ లో రష్మికను థీమ్ లాగా చూపిస్తూ విజయ్ దేవరకొండను హై లైట్ చేయడం యూత్ కి బాగా కనెక్ట్ అయ్యేలా ఉంది.

మే 31న విడుదల కానున్న డియర్ కామ్రేడ్  నాలుగు భాషల్లో రానుంది. ఇప్పటికే టీజర్ వల్ల మంచి హైప్ తెచ్చుకున్న డియర్ కామ్రేడ్ గీత గోవిందం తరువాత విజయ్ దేవరకొండ-రష్మిక మందన్న కాంబోలో వస్తున్న మూవీ కావడంతో బజ్ దీని మీద రెట్టింపు బజ్ ఉంది. భరత్ కమ్మ దర్శకుడిగా డెబ్యూ చేస్తున్న ఈ మూవీని మైత్రి బిగ్ బెన్ సినిమాస్ సంయుక్తంగా నిర్మిస్తున్నాయి. ఈ ఏడాదిలో రాబోతున్న విజయ్ దేవరకొండ మొదటి సినిమా కావడంతో దీని మీద అభిమానుల్లో అంచనాలు భారీగా ఉన్నాయి. దానికి తగ్గట్టే ఇప్పుడీ ఫస్ట్ ఆడియో సింగల్ హిట్టయ్యేలా ఉండటంతో ఇక ఫ్యాన్స్ దీన్ని సక్సెస్ కు మొదటి అడుగులా ఫీలవుతున్నారు.

Full View