ప్ర‌భాస్ క్లోజ్ అంటోంది ఈ మ‌నోహ‌రి

బాహుబ‌లి రికార్డుల గురించి మాట్లాడుకున్న‌ట్టే ఆ సినిమాలోనే మ‌నోహ‌రి సాంగ్ గురించి కూడా మాట్లాడుకున్నారు. రాజ‌మౌళి మ‌హా ర‌సిక‌శిఖామ‌ణి లా ఆ పాట‌ను తెర‌కెక్కించాడ‌ని, కీర‌వాణి అంతే ర‌సిక‌త నిండిన ట్యూన్ ఇచ్చార‌ని, ఆ పాట‌లో ప్ర‌భాస్ రొమాన్స్ అదిరిపోయింద‌ని, ఆ ముగ్గురు హాట్ లేడీస్ అద‌ర‌గొట్టేశార‌ని ... ఇలా టీవీచానెళ్లు ప్ర‌చారం చేశాయి. ప‌దే ప‌దే మ‌నోహ‌రి పాట‌ని రిపీట్ చేశాయి.

అయితే ఈ పాట తెర‌కెక్కించేప్పుడు హైద‌రాబాద్‌ లో అడుగుపెట్టిన ముంబై మోడ‌ల్ మ‌ధు స్నేహ మ‌న యంగ్ రెబ‌ల్‌స్టార్ ప్ర‌భాస్‌ కి చాలా క్లోజ్ అయిపోయిందిట‌. యంగ్ రెబ‌ల్ చాలా ఫ్రెండ్లీ. అస‌లు కుర్రాడు చాకులా ఉంటాడు. వెంటే క‌లిసిపోతాడు అంటూ తెగ పొగిడేసింది. అంతేకాదు మ‌నోహ‌రి సాంగ్‌ తో వ‌చ్చిన క్రేజు తో టాలీవుడ్‌ లో ద‌ర్శ‌క‌ నిర్మాత‌ల్ని అల్లుకుపోతున్నాన‌ని సెల‌విచ్చింది. ఈ ముగ్ధ మ‌నోహ‌రి డ్యాన్సులు సూప‌ర్భ్ అన్న టాక్ వ‌చ్చింది కాబ‌ట్టి ఆ క్రేజుతోనే ఇలా అవ‌కాశాలు అందుకుంటోంద‌న్న‌మాట‌.

అయితే ఒక ముమైత్‌ లా, మ‌రో జ్యోతిల‌క్ష్మిలా టాలీవుడ్‌ని అల్లుకు పోవాలంటే క‌ష్ట‌మే ఇప్పుడున్న ప‌రిస్థితిలో ఎప్ప‌టిక‌ప్పుడు కొత్త భామ‌లు, విదేశీ ముద్దుగుమ్మ‌లు వ‌చ్చి ప‌డుతున్నారు. అదీ మ్యాట‌రు.