వైరల్‌ వీడియో : ఆర్ఆర్ఆర్‌ టీమ్‌ కి విభిన్నంగా కంగ్రాట్స్ చెప్పిన విలక్షణ నటుడు

టాలీవుడ్‌ జక్కన్న రాజమౌళి దర్శకత్వంలో వచ్చిన ఆర్‌ఆర్ఆర్ సినిమాలోని నాటు నాటు పాటకు గోల్డెన్ గ్లోబ్ అవార్డు దక్కడం పట్ల ప్రతి ఒక్కరు కూడా హర్షం వ్యక్తం చేస్తున్నారు. ఇండియన్ సినీ పరిశ్రమకు దక్కిన గొప్ప గౌవరంగా అభిమానులతో పాటు ప్రతి ఒక్కరు కూడా కామెంట్స్ చేస్తున్నారు.

ప్రధాని నరేంద్ర మోడీ మొదలుకుని ప్రతి ఒక్కరు కూడా ఈ అవార్డు పై ఆసక్తికరంగా వ్యాఖ్యలు చేశారు. చిత్ర యూనిట్ సభ్యులకు కంగ్రాట్స్ చెప్పడంలో కొందరు కొత్త కొత్త పద్ధతులు అనుసరించారు.

నాటు నాటు కు అవార్డు రావడం తో అదే పాటకు డాన్స్ చేసి కొందరు కాంగ్రాట్స్ చెబుతూ ఉంటే మరి కొందరు మాత్రం మరో రకంగా తమ శుభాకాంక్షలు తెలియజేస్తున్నారు.

విలక్షణ నటుడు ప్రకాష్ రాజ్ ఆర్ఆర్ఆర్ టీమ్‌ కి తనదైన శైలిలో కంగ్రాట్స్ ను తెలియజేశాడు. ఇదే సమయంలో ఆయన షేర్‌ చేసిన ఒక వీడియో వైరల్‌ అవుతోంది.

నాటు నాటు పాటతో ఒక పాత హాలీవుడ్‌ క్లిప్‌ ను షేర్ చేశాడు. పాటకు తగ్గట్లుగా అందులో రెండు క్యారెక్టర్స్ డాన్స్ చేయడం ప్రతి ఒక్కరిని కట్టి పడేస్తోంది.

భలే సింక్ అయ్యిందే అన్నట్లుగా కొన్ని స్టెప్స్‌ ఉన్నాయి. ఈ వీడియో తో ప్రకాష్ రాజ్ ఆర్ఆర్ఆర్ చిత్ర యూనిట్‌ సభ్యులకు చెప్పిన కంగ్రాట్స్ చాలా ప్రత్యేకంగా నిలిచింది. నాటు నాటుకు సింక్ అయ్యేలా ఈ వీడియోను షేర్ చేసిన ప్రకాష్ రాజ్ ను చాలా మంది అభినందిస్తూ కామెంట్స్ చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.