జూస్‌ లు తాగ‌లేదు.. టీలే!

బాబాయ్ కి అబ్బాయ్ మెగా బూస్ట్ ఇచ్చారు. ప‌వ‌న్ పై వినయాన్ని - విధేయ‌త‌నే కాదు అంతులేని ప్రేమాభిమానాల్ని చూపించారు చ‌ర‌ణ్. `విన‌య విధేయ రామా` వేడుక సాక్షిగా మెగాప‌వ‌ర్ స్టార్ రామ్ చ‌ర‌ణ్ ఇచ్చిన స్పీచ్ మెగాభిమానుల్ని స్పెల్ బౌండ్ చేసేసింది. ఈ స్పీచ్‌ లో బాబాయ్ అంటే త‌న‌కు ఉన్న అపార‌మైన ప్రేమ‌ను చ‌ర‌ణ్ మ‌రోసారి బ‌య‌ట‌పెట్టారు. వేదిక‌పై ఎంద‌రు ఉన్నా.. త‌న మ‌న‌సు.. త‌న ఆలోచ‌న బాబాయ్ చుట్టూనే తిరుగుతుంద‌ని చర‌ణ్ స్పీచ్ అర్థ‌మ‌య్యేలా చెప్పింది. రాజ‌కీయాల్లో అలుప‌న్న‌దే లేకుండా ప‌య‌నిస్తున్న జ‌న‌సేనానికి ఇదో పెద్ద బూస్ట్ అనే చెప్పాలి. కోట్లాది మంది వీక్షిస్తున్న లైవ్ వేడుక‌లో చ‌ర‌ణ్ ప్ర‌త్యేకించి బాబాయ్ శ్ర‌మ‌ను గుర్తించాల్సిందిగా ప్ర‌జ‌ల్ని కోరారు.. అలాగే అభిమానుల‌ను చర‌ణ్ ఈ వేదిక సాక్షిగా కోర‌డం ప్ర‌ధానంగా చ‌ర్చ‌కొచ్చింది.

ప‌బ్లిక్ ప్లాట్ ఫామ్ లో కి వ‌చ్చారు బాబాయ్. సినిమాల‌న్నీ వ‌దిలేసి ఒక  ప్ర‌జా వేదిక‌పైకి వ‌చ్చి.. మీకోసం యుద్ధం చేస్తూ.. రోడ్ మీద ప‌డి ఇంటింటికెళ్లి.. జిల్లా జిల్లా తిరుగుతూ ఉంటే ఆ క‌ష్టం చూసి బాధ క‌లుగుతోంది. అయినా ఇంటికి వెళ్లి వ‌స్తుంటే.. మాకంద‌రికీ ఆనందంగా ఉంది. మీకోసం వ‌చ్చాడ‌న్న ఆలోచ‌న‌తోనే సంతోషంగా ఉంది.. అనీ చ‌ర‌ణ్ ఎంతో  ఎమోష‌న‌ల్ గా మాట్లాడారు.

ఇక ఇదే స్పీచ్ లో మెగా ఫ్యాన్స్ ను ఉద్ధేశించి స్పీచ్ ఇచ్చిన చ‌ర‌ణ్ .. ఇటీవ‌ల ఎవ‌రూ జూస్‌ లు తాగ‌లేదు.. టీలే! అని వ్యాఖ్యానించారు. జ‌న‌సేనకు గాజు గ్లాసును పార్టీ సింబ‌ల్ గా ఎన్నిక‌ల సంఘం ప్ర‌క‌టించిన సంగ‌తి తెలిసిందే. ఆ గాజు గ‌లాసుపై ప్ర‌త్యేకించి చ‌ర‌ణ్ వ్యాఖ్యానించ‌డంతో మెగా ఫ్యాన్స్ లో జోష్ నిండింది. ఇక ఈ వేదిక వ‌ద్ద‌కు కొంద‌రు మెగాభిమానులు ఏకంగా గాజు గ్లాసులు తేవ‌డం బిగ్ స‌ర్‌ప్రైజ్.