ప్రముఖ సీరియల్ నటిని చంపేసిన పుకారు.. నటి ఫైర్!

ప్రస్తుతం సోషల్ మీడియా అనేది రోజురోజుకి సామాన్యుల నుండి సెలబ్రిటీల వరకు పుకార్లతో చంపేస్తుంది. ఒక్కోసారి బతికున్న వారిని చంపేస్తుంది.. చనిపోయిన వారిని బతికిస్తుంది. అంటే అలా చిత్రీకరిస్తుంది. అది అలా జరగడానికి కారణం నెటిజన్లు మాత్రమే. ఇటీవలే ఓ టీవీ సెలబ్రిటీకి అలాంటి సందర్భం ఎదురైంది. ఆమె ఎవరో కాదు.. ప్రముఖ టీవీ నటి జయ భట్టాచార్య. ఆమెకు కరోనా వైరస్ సోకి చనిపోయినట్లు సోషల్ మీడియాలో ఇటీవల ఎన్నో వార్తలు సోషల్ మీడియాలో చక్కర్లు కొట్టాయి. ఆమె స్పందించి తాజాగా తన పై వచ్చిన ఫేక్ న్యూస్ ను జయ భట్టాచార్య కొట్టి పారేసింది. ‘నేను బతికే ఉన్నాను’... కరోనావైరస్ కారణంగా తాను మరణించానని వచ్చిన  వార్త అవాస్తవమని జయ భట్టాచార్య తన ఇన్‌స్టాగ్రామ్ ఖాతా ద్వారా స్పష్టం చేసింది. సరిగ్గా అదే టైంలో ఓ నెటిజన్ పెట్టిన ఈ అబద్ధపు పోస్టుపై రియాక్ట్ అవుతూ తాను బ్రతికే ఉన్నానని..

ఎవ్వరైనా సరే పోస్ట్ పెట్టేముందు కాస్త చెక్ చేసుకోవాలని ఆగ్రహం వ్యక్తం చేసింది. హిందీ సీరియల్ ‘తబ్ కీ ప్యార్ కీ’ సీరియల్‌తో పాపులర్ అయిన ఇర్ఫాన్ జూన్ 17వ తేదీన కరోనా కారణంగా కన్నుమూశాడు. ఈ విషయాన్ని తన సోషల్ మీడియా ఖాతాలో పోస్ట్ చేస్తూ కరోనాకు సరైన వైద్యం అందక ఆయన మరణించాడని పెద్ద పోస్ట్ పెట్టింది సీరియల్ యాక్టర్ జయ భట్టాచార్య. ఈమె ఎక్కువగా సీరియల్ విలన్ పాత్రలు చేస్తుంది. ఇక ఈ పోస్టును అపార్ధం చేసుకున్న ఓ నెటిజన్.. ''కరోనాతో మరో నటి మృతి.. RIP జయ భట్టాచార్య'' అంటూ జయ ఫోటో షేర్ చేసాడు. విషయం తెలిసిన జయ భట్టాచార్యకు దిమ్మ తిరిగిపోయిందట. ఆమె వెంటనే స్పందించి.. అదే ఫోటో ఇన్స్‌స్టాగ్రామ్ లో పోస్ట్ చేసి ''హ.. హ.. హ.. నేను బ్రతికే ఉన్నాను'' అని తెలిపింది.  ఇలా మనుషులను చంపే పోస్టులు పెట్టేముందు క్రాస్ చెక్ చేసుకోవాలని వార్నింగ్ ఇచ్చింది. ప్రస్తుతం ఈ పోస్ట్ సోషల్ మీడియాలో వైరల్ అవుతోంది. ఈ దెబ్బతో సీరియల్స్ అభిమానులు ఖంగుతిన్నారు.