నక్షత్రం కోసం 'మెగా' ఖాకీ వేషాలు

కృష్ణ వంశీ ప్రతిష్టాత్మకంగా తీసుకుని స్టార్ట్ చేసిన సినిమా నక్షత్రం(స్టార్). మెగా పవర్ స్టార్ తో గోవిందుడు అందరివాడేలే తీశాక.. చాలా కాలం ఎదురుచూసి బాలయ్యతో వందో సినిమా చేద్దామని భావించాడు. కానీ అది సాధ్యం కాకపోవడంతో తనే నక్షత్రం అనే సినిమా స్టార్ట్ చేశాడు.

సందీప్ కిషన్- రెజీనా జంటగా నక్షత్రంను తెరకెక్కిస్తున్నాడు కృష్ణ వంశీ. ఫ్రెండ్ షిప్ డే సందర్భంగా సినిమాకి సంబంధించిన ఓ కీలకమైన డీటైల్ ను ఇచ్చాడీ డైరెక్టర్. 'నక్షత్రం గెలాక్సీలో కొత్త మెరుపును ప్రకటిస్తున్నందకు చాలా సంతోషంగా ఉంది. ఎప్పుడూ నవ్వుతూ ఉండే నా యంగ్ ఫ్రెండ్ సాయిధరం తేజ్ ఈ మూవీలో పోలీస్ ఆఫీసర్ గా స్పెషల్ రోల్ చేయబోతున్నాడు. త్వరలో షూటింగ్ స్టార్ట్ చేయబోతున్నాం' అని ఫ్రెండ్షిప్ డే సందర్భంగా చెప్పాడు కృష్ణవంశీ. గోవిందుడుతో తన కెరీర్ బిగ్గెస్ట్ హిట్ కాకపోయినా.. కెరీర్ లో అత్యధిక కలెక్షన్స్ ను రాబట్టిన సినిమా తీసిన కృష్ణవంశీ.. మరోసారి మెగా హీరోను టీమ్ లోకి తీసుకోవడం విశేషం. మెగా ట్యాక్ ఈ క్రియేటిప్ డైరెక్టర్ కి బాగానే ప్లస్ అయేట్లుంది.

ఇకపోతే ఇప్పటికే కళ్యాణ్‌ రామ్ తో ఒక మల్టీస్టారర్ సినిమాను చేయడానికి ఒప్పుకున్న సాయిధరమ్.. ఇప్పుడు సందీప్ సినిమాలో గెస్ట్ రోల్ చేయడానికి ఒప్పుకుని.. నవతరం హీరోల్లో తాను చాలా డిఫరెంట్ అని ప్రూవ్ చేసుకుంటున్నాడు.