గ్యాప్ లేకుండా..! అదే స్పీడ్ తో స‌ర్కార్ వారు..!!

ఏడాది విరామం తరువాత సూపర్ స్టార్ మహేష్ చివరకు `సర్కారు వారి పాట` షూటింగ్ ను ప్రారంభించాడు. ఈ సినిమా చిత్రీకరణ గత నెలలో దుబాయ్ ‌లో ప్రారంభమైంది. ప్ర‌ధాన షెడ్యూల్ చిత్రీక‌ర‌ణ నుంచి ఫోటోలు కొన్ని రివీల‌య్యాయి. తదుపరి షెడ్యూల్ గోవాలో జరుగనుంద‌ని తెలుస్తోంది. చిత్రీక‌ర‌ణ‌ కోసం కొన్ని మంచి ప్రదేశాలను ఇప్ప‌టికే ఖరారు చేశారు. షెడ్యూల్ త్వరలో ప్రారంభమవుతుంది.

ఈ షెడ్యూల్ లో మహేష్ తో పాటు ప్రధాన తారాగణం పాల్గొంటారు. మ‌హేష్ - కీర్తి జంట‌పైనా కీల‌క షూటింగ్ చేయ‌నున్నారు. `గీత గోవిందం` ఫేం పరశురాం ఈ ప్రాజెక్టుకు దర్శకత్వం వహిస్తున్నారు. ఈ చిత్రాన్ని మైత్రి మూవీ మేకర్స్- 14 రీల్స్ ప్లస్ - జీఎంబి ఎంటర్ టైన్మెంట్స్ సంయుక్తంగా నిర్మిస్తున్నాయి.

ఎస్.ఎస్. థ‌మన్ ఈ చిత్రానికి సంగీతం అందిస్తున్నారు. వచ్చే ఏడాది సంక్రాంతి పండుగ కు సినిమా రిలీజ్ కానుంది. బ్యాంక్ కుంభ‌కోణం నేప‌థ్యంలో పూర్తి క‌మ‌ర్షియ‌ల్ ఎంట‌ర్ టైన‌ర్ గా ఈ చిత్రాన్ని ప‌ర‌శురామ్ తెర‌కెక్కిస్తున్నారు.