కింగ్ ఖాన్ కు పే..ద్ద ప్ర‌మాదం జ‌స్ట్ మిస్‌

బాలీవుడ్ బాద్ షా.. కింగ్ ఖాన్ గా చెప్పుకునే షారుక్ ఖాన్ కు పెను ప్ర‌మాదం తృటిలో త‌ప్పింది. ప్ర‌స్తుతం ఆయ‌న డ్వార్ప్ చిత్రంలో న‌టిస్తున్నారు. ఆ చిత్ర షూటింగ్ మీర‌ట్‌ లో జ‌రుగుతోంది. ఈ సినిమాలో షారుక్ పొట్టిగా క‌నిపించ‌నున్నారు. ఈ లుక్ ఎవ‌రికి క‌నిపించ‌కూడ‌ద‌న్న ఉద్దేశంతో చాలా జాగ్ర‌త్త‌గా.. ర‌హ‌స్యంగా షూట్ చేస్తున్నారు.

ఇదిలా ఉంటే.. తాజాగా ఆయ‌న న‌టిస్తున్న సెట్  పై క‌ప్పు కూలిపోయింది. స‌రిగ్గా ఆ స‌మ‌యానికి షారుక్ సెట్ ప‌క్క‌న కూర్చోవ‌టంతో ఆయ‌న ప్ర‌మాదాన్ని తృటిలో త‌ప్పించుకున్న‌ట్లైంది.

సెట్ పైక‌ప్పు కూలిపోవ‌టంతో.. మ‌ట్టి పెళ్ల‌లు షారుక్ మీద ప‌డ్డాయి. అయితే.. ఆయ‌న‌కు ఎలాంటి గాయాలు కాన‌ట్లుగా చెబుతున్నారు. ఈ ప్ర‌మాదంలో ఇద్ద‌రు చిత్ర సిబ్బందికి గాయాలు అయిన‌ట్లుగా తెలుస్తోంది. వారిద్ద‌రిని వెంట‌నే స్థానికంగా ఉన్న ఆసుప‌త్రికి త‌ర‌లించారు. ఈ మూవీలో షారుక్ కి క‌త్రినా.. అనుష్క శ‌ర్మ‌లు జోడీగా న‌టిస్తున్నారు. తాజా ప్ర‌మాదం నేప‌థ్యంలో.. సినిమా షూట్ ను క్యాన్సిల్ చేశారు. గాయ‌ప‌డ్డ యూనిట్ స‌భ్యుల ఆరోగ్య ప‌రిస్థితి బాగున్న‌ట్లుగా చెబుతున్నారు.

Like Us on Facebook : https://www.facebook.com/Tupakidotcom/