సౌత్ సినీ ఇండస్ట్రీలో మంచి లవర్ బాయ్ గా గుర్తింపు తెచ్చుకున్న హీరోల్లో సిద్దార్థ్ ఒకరు. నిజానికి కోలీవుడ్ హీరో అయినా తన నటనతో తెలుగు జనాలకు బాగా దగ్గరయ్యాడు. కొందరైతే సిద్దార్థ్ ని టాలీవుడ్ హీరోనే అని అనుకుంటారు. ఈ చుక్కల్లో చంద్రుడు కూడా అలా దగ్గరయ్యాడు మరి. ఇప్పటికి కూడా తెలుగు ఆడియెన్స్ నా ఫెవరెట్ అని తరచు సిద్దార్థ్ చెబుతుంటాడు.
బాలీవుడ్ లో కూడా మనోడికి మంచి ఇమేజ్ ఉంది. అమిర్ ఖాన్ వంటి వారితో స్క్రీన్ షేర్ చేసుకున్నాడు. ఇక అసలు విషయానికి వస్తే.. గత కొంత కాలంగా సిద్దార్థ్ ఎక్కడా కూడా సరైన విజయాలను అందుకోవడం లేదు. అయితే ఈ సారి ఎలాగైనా హిట్ అందుకోవాలని తన నెక్స్ట్ హర్రర్ సినిమాను మూడు భాషల్లో రిలీజ్ చేయబోతున్నాడు. నిజ జీవితంలోని సంఘటనల ఆధారంగా మిలింద్ దర్శకత్వంలో గృహం అనే సినిమాను తెరకెక్కించాడు. అయితే ఈ సినిమాను నవంబర్ 3న ఒకేసారి తెలుగు - తమిళ్ అలాగే హిందీలో కూడా రిలీజ్ చేస్తున్నాడు.
తన సన్నిహిత వ్యక్తులకు ఎదురైనా కొన్ని ఘటనల ఆదారంగా ఈ సినిమాని తీశామని సిద్దార్థ్ చెబుతున్నాడు. సినిమా తప్పకుండా అందరికి నచ్చుతుందనే నమ్మకంతో సిద్దు చిత్ర నిర్మాణంలో కూడా భాగమయ్యాడు. మరి ఈ హర్రర్ సినిమా లవర్ బాయ్ కి ఎంతవరకు ఉపయోగపడుతుందో చూడాలి.