లీల భుజంపై సుంద‌రం స్లీపింగ్!

నేచుర‌ల్ స్టార్ నాని -న‌జ్రియా ఫ‌హ‌ద్ జంట‌గా `అంటే సుంద‌రానికీ` తెర‌కెక్కుతోన్న సంగ‌తి తెలిసిందే.  యంగ్ మేక‌ర్ వివేక్ ఆత్రేయ‌  రొమాంటిక్ కామెడీ ఎంట‌ర్ టైన‌ర్  తెర‌కెక్కిస్తున్నారు. ఇప్ప‌టికే రిలీజ్ అయిన  పోస్ట‌ర్లు..ప్ర‌చార చిత్రాలు ఆద్యంతం అల‌రించాయి. సుంద‌రం పాత్ర‌లో నాని..లీల థామ‌స్ పాత్ర‌లో న‌జ్రియా పోస్ట‌ర్లతోనే బోలెడంత  ఫ‌న్ క్రియేట్  అయింది.

బ్రాహ్మాణ యువ‌కుడు-క్రిస్టిమ‌న్ అమ్మాయి మ‌ధ్య సాగే ల‌వ్ స్టోరీని  ఆద్యంతం కామెడీ ఎంట‌ర్ టైన‌ర్ గా మ‌లుస్తున్నారు. తాజాగా యూనిట్ మ‌రో కొత్త పోస్ట‌ర్ ని రిలీజ్ చేసింది. ఈ పోస్ట‌ర్ లోనూ సుంద‌రం-లీల మ‌ధ్య రొమాంటిక్ యాంగిల్ ని హైలైట్ చేస్తున్నారు.

బ‌స్సు జ‌ర్నీలో సుంద‌రం..లీల భుజాల‌పైల కొంటె ప‌ర‌వ‌శంలో మునిపోయాడు. భుజాల‌పై నిద్రిస్తున్న సుంద‌రాన్ని లీల చేయి అడ్డు పెట్టి తోస్తున్న‌ట్లు క‌నిపిస్తుంది. పోస్ట‌ర్ లో జంట మ‌రింత అందంగా క‌నిపిస్తుంది. నాని స్మార్ట్ లుక్...న‌జ్రియా గ్లామ‌ర్  తెర‌ను మ‌రింత అందంగా మ‌ల‌చ‌డం ఖాయం.

అలాగే పోస్ట‌ర్ లో `ఎంత చిత్రం` అంటూ సాగే మ‌రో లిరికల్ సింగిల్ ని రిలీజ్ చేస్తున్న‌ట్లు ప్ర‌క‌టించారు. మే 9న 11.7 గంట‌ల‌కు ఆ పాట‌ని రిలీజ్ చేయ‌నున్నారు.  ఇప్ప‌టికే రిలీజ్ అయిన తొలి సింగిల్  `పంచె క‌ట్టు`  పాట‌కి శ్రోతల నుంచి మంచి రెస్పాన్స్ వ‌చ్చింది. తాజాగా రాబోతున్న పాట శ్రోత‌ల్ని మ‌రింత అల‌రిస్తుంద‌ని టీమ్ ధీమా వ్య‌క్తం చేస్తుంది.

సంగీత ద‌ర్శ‌కుడిగా తెలుగు ప్రేక్ష‌కుల్లో ఇప్ప‌టికే వివేక్ సాగ‌ర్ త‌న మార్క్ వేసారు. సుంద‌రం పాట‌ల‌పై అంతే కాన్ఫిడెంట్ గా ఉన్నారు. మ్యూజిక్ ప్రియుల అంచ‌నాల‌కు ఏమాత్రం త‌గ్గ‌కుండానే కంపోజింగ్ ఉంద‌ని మేక‌ర్స్ నుంచి  ధీమా వ్య‌క్తం అవుతోంది. ఈ చిత్రాన్ని మైత్రీ మూవీ మేకర్స్ నిర్మిస్తోంది. అన్ని ప‌నులు పూర్తిచేసి  జూన్ 10న థియేటర్లలో రిలీజ్ చేయ‌నున్నారు.

ఈ చిత్రంలో న‌దియా..హ‌ర్ష వ‌ర్ధ‌న్..రాహుల్ రామ‌కృష్ణ‌..సుహాస్ త‌దిత‌రులు న‌టిస్తున్నారు. సినిమాటోగ్ర‌ఫీ:  నిఖేత్ బొమ‌ల్మి...ఎడిటింగ్ ర‌వితేజ గిరిజాల  అందిస్తున్నారు.