స్పెషల్‌ పోస్టర్‌ : అక్కినేని బ్యాచిలర్‌ దీపావళి సెలబ్రేషన్‌

అక్కినేని యంగ్‌ హీరో అఖిల్‌.. బొమ్మరిల్లు భాస్కర్‌ ల కాంబినేషన్‌ లో రూపొందుతున్న మోస్ట్‌ ఎలిజబుల్‌ బ్యాచిలర్‌ సినిమా షూటింగ్‌ దాదాపుగా పూర్తి అయ్యింది. అల్లు అరవింద్‌ సమర్పణలో బన్నీ వాసు నిర్మిస్తున్న ఈ సినిమా మొన్న సమ్మర్‌ లోనే ప్రేక్షకుల ముందుకు రావాల్సి ఉన్నా కరోనా కారణంగా సినిమా వాయిదా పడింది. షూటింగ్‌ బ్యాలన్స్‌ వర్క్‌ పూర్తి చేసి సినిమాను వచ్చే ఏడాది ఆరంభంలోనే విడుదల చేయాలని మేకర్స్‌ భావిస్తున్నట్లుగా తెలుస్తోంది. ఈ సినిమాలో పూజా హెగ్డే హీరోయిన్‌ గా నటిస్తున్న విషయం తెల్సిందే.

దీపావళి సందర్బంగా ఈ సినిమా నుండి స్పెషల్‌ పోస్టర్‌ ను విడుదల చేశారు. పోస్టర్‌ లో పూజా హెగ్డే క్రాకర్స్‌ ను వెలిగించే ప్రయత్నం చేస్తూ ఉండగా అఖిల్‌ ఆమె వంక ప్రేమగా చూస్తున్నాడు. చాలా క్యూట్‌ అండ్‌ కలర్‌ ఫుల్‌ గా ఉన్న ఈ పోస్టర్‌ ఆకట్టుకునే విధంగా ఉంది. పోస్టర్‌ లో సినిమా విడుదలపై క్లారిటీ ఇవ్వలేదు. కనుక సంక్రాంతికి వచ్చేది అనుమానమే అన్నట్లుగా అనిపిస్తుంది. దీపావళి కానుకగా ఈ సినిమా నుండి వచ్చిన పోస్టర్‌ తో సినిమాపై అంచనాలు మరింత ఎక్కువ అయ్యాయి. అఖిల్‌ ఈ సినిమాతో అయినా మొదటి కమర్షియల్‌ హిట్‌ ను దక్కించుకుంటాడా అంటూ అఖిల్‌ చాలా ఆసక్తిగా ఎదురు చూస్తున్నారు.