ఆర్జీవీపై ఇప్పుడు యాక్షన్ తీసుకుంటారా?

ఎప్పటికప్పుడు విభిన్నంగా వ్యవహరిస్తూ.. తానో ప్రత్యేకమైన వ్యక్తి అని మాత్రమే కాకుండా.. శక్తి అని కూడా ఇతరుల మీద రాంగోపాల్ వర్మ దాడి చేయడం కనిపిస్తూనే ఉంటుంది. శ్రీరెడ్డి వ్యవహారంలో మాత్రం వర్మ దూరడం.. మొత్తానికి ఆమె తలపెట్టిన ఉద్దేశ్యాన్నే అడ్డదారి పట్టించిందంటూ.. ఇప్పుడు కెమేరా ముందుకొచ్చి సారీ చెప్పుకొచ్చాడు వర్మ.

పవన్ కళ్యాణ్ కి.. పవన్ తల్లికి.. హర్ట్ అయిన వారికి సారీ చెప్పాడు వర్మ. అయితే.. వర్మ మాటల్లో గమనించాల్సిన అంశం ఒకటి ఉంది. ఎవరైనా స్టార్ ను తిట్టిపోస్తే ఫేమస్ అయిపోవచ్చు అంటూ అడ్డదారి చెప్పాడు వర్మ. ఇందుకు కత్తి మహేష్ ను ఉదాహరణగా చూపించాడు. అసలు జనాలు రాంగోపాల్ వర్మను కూడా మర్చిపోతున్న తరుణంలో.. ఇలా పవన్ కళ్యాణ్ పై.. మెగా ఫ్యామిలీపై అడ్డ దిడ్డమైన వ్యాఖ్యలు చేసి తిరిగి తన గురించి అందరూ మాట్లాడుకునేలా చేశాడు వర్మ. అంటే మొదట తన కోసం పవన్ తిట్టే ఐడియా అప్లై చేసుకున్నాడు వర్మ.

 ఆ తర్వాత బహుశా కత్తి మహేష్ కి కూడా వర్మే ఐఢియా ఇచ్చి ఉంటాడనే అనుమానాలు ఉన్నాయి. ఇప్పుడు శ్రీరెడ్డి దగ్గర ఐడియా తేడా రావడంతో బయటకు చెప్పుకొచ్చాడు. శ్రీరెడ్డి కోసం చెప్పినట్లు బిల్డప్ కూడా ఉందిలెండి. అంటే కేవలం ఫేమ్ వరకే జరిగి ఉంటే.. ఇది చెప్పేవాడు కాదన్న మాట. పవన్ ఇప్పుడు సినిమాలు మానేశానని చెబుతున్నా.. ముందు నుంచి ఇలా పవన్ ను టార్గెట్ చేసిన రాంగోపాల్ వర్మపై చర్యలు తీసుకునే అవకాశాలను టాలీవుడ్ పెద్దలు చర్చించుకుంటున్నారు.