కన్య్ఫూజన్ కామెడీపై కన్నేసిన మిష్టర్

అరంగేట్రం తర్వాత.. ఒక ఏడాది వ్యవధిలోనే 3 సినిమాలు విడుదల చేసేసి సూపర్ స్పీడ్ చూపించిన మెగా హీరో వరుణ్ తేజ్.. ఆ తర్వాత స్లో అయ్యాడు. క్రిష్ తో అనుకున్న ప్రాజెక్టు పట్టాలెక్కకపోవడం.. శ్రీను వైట్ల మిస్టర్ పట్టాలెక్కడానికి ఆలస్యం కావడంతో.. గతేడాది డిసెంబర్ లో వచ్చిన లోఫర్ తర్వాత సినిమానే లేదు. అయితే.. ఇప్పుడు మాత్రం మిస్టర్ ను.. మరోవైపు శేఖర్ కమ్ములతో ఫిదా చిత్రాన్ని కంప్లీట్ చేసేస్తున్నాడు వరుణ్ తేజ్.

ప్రస్తుతం చిక్మంగళూరులో మిస్టర్ షూటింగ్ లో ఉన్న వరుణ్ తేజ్.. మూడో మూవీకి కూడా గ్రీన్ సిగ్నల్ ఇచ్చేశాడని తెలుస్తోంది. రీసెంట్ గా ఫిదా కోసం బాన్సువాడలో షూట్ చేస్తున్న టైమ్.. గుండెజారి గల్లంతయ్యిందే ఫేమ్ విజయకుమార్ కొండా ఓ నేరేషన్ ఇచ్చాడట. రెండున్నర గంటల ఈ నెరేషన్-స్టోరీ వరుణ్ తేజ్ కి విపరీతంగా నచ్చేశాయట. మిస్టర్.. ఫిదాల తర్వాత ఇలాంటి రొమాంటిక్ కామెడీ  చేయడమే కరెక్ట్ అని ఫీల్ అయ్యి.. గ్రీన్ సిగ్నల్ ఇచ్చేశాడట కూడా.

ఆ తర్వాత నాగబాబుకి కూడా విజయ్ కుమార్ కొండా స్టోరీ చెప్పడం.. అక్కడి నుంచి కూడా ఊ అనిపించేసుకోవడంతో.. ఇక పట్టాలెక్కడమే లేట్. త్వరలో వరుణ్ తేజ్-విజయ్ కుమార్ కొండా కాంబినేషన్ లో పై అనౌన్స్ మెంట్ చేయనుండగా.. డిసెంబర్ చివర్లో షూటింగ్ స్టార్ట్ చేస్తారని తెలుస్తోంది.