ప్రముఖ తమిళ నటుడు విజయ్ ఆంటోని.. సంగీత దర్శకుడిగా కెరీర్ ప్రారంభించి ప్రస్తుతం నటుడిగా ఇండస్ట్రీలో కొనసాగుతున్నాడు. ఆయన నటించిన అన్నీ సినిమాలు తెలుగులో డబ్ అయి విడుదల అవుతుంటాయి. అయితే విజయ్ హీరోగా 2016లో రూపొందిన సినిమా 'పిచ్చైకారణ్'. తెలుగులో ‘బిచ్చగాడు’ పేరుతో విడుదల అయిన ఈ సినిమా భారీ బ్లాక్ బస్టర్ విజయం సొంతం చేసుకుంది. మంచి కథ, కథనాలతో పాటు కొన్ని సామాజిక అంశాలను లేవనెత్తుతూ.. తల్లికోసం కొడుకు పడే వేదనను చూపించారు దర్శకనిర్మాతలు. ఈ సినిమా విజయ్ కి అటు తమిళంలోను ఇటు తెలుగులోను ఫుల్ పాపులారిటీతో పాటు నటుడిగా సుస్థిర స్థానం సంపాదించి పెట్టిందని చెప్పాలి.
2016లో భారీ వసూళ్లను సాధించిన సినిమాగా కూడా బిచ్చగాడు రికార్డు నెలకొల్పింది. మంచి సంగీతంతో మనసును తాకే అభినయంతో నటీనటులు ఆకట్టుకున్నారు. అయితే బిచ్చగాడు సినిమా తర్వాత విజయ్ నుండి కొన్ని సినిమాలు విడుదల అయ్యాయి కానీ ఆ రేంజ్ సక్సెస్ కాలేకపోయాయి. ప్రస్తుతం విజయ్ హిట్ కోసం ఎదురు చూస్తున్నాడు. అయితే ఇండస్ట్రీలో ప్రస్తుతం బిచ్చగాడు సినిమా గురించి టాక్ నడుస్తుంది. త్వరలో బిచ్చగాడు సినిమాకి సీక్వెల్ తీయనున్నారట. ఆ విషయం విజయ్ ప్రకటించాడు. అంతేగాక ఈ సీక్వెల్ కోసం విజయ్ రచయితగా కూడా మారాడు.
ఇటీవలే విజయ్ ఓ ఇంటర్వ్యూలో మాట్లాడుతూ..‘‘నాలుగు నెలల నుంచి సీక్వెల్ కోసం స్ర్కిప్టును సిద్ధం చేసే పనిలో ఉన్నాను. స్ర్కిప్టుకి తుదిమెరుగులు దిద్దుతున్నాం. త్వరలోనే తారాగణంతో పాటు సాంకేతివర్గాన్ని వెల్లడిస్తానని’’ చెప్పాడు. మొదట్లో వచ్చిన బిచ్చగాడు చిత్రానికి దర్శకత్వం వహించిన శశి ప్రస్తుతం వేరే చిత్రాలతో బిజీగా ఉన్నాడట. మరి రాబోయే సీక్వెల్ డైరెక్టర్ ఎవరు అనేది తెలియాల్సి ఉంది. ఇదిలా ఉండగా జులై 24న విజయ్ పుట్టినరోజు. ఆ రోజున బిచ్చగాడు నిర్మాతలు సీక్వెల్ పోస్టర్ విడుదల చేయనున్నారని సమాచారం. రాబోయో సీక్వెల్‌కి సంగీతం కూడా విజయ్ ఆంటోనినే చేపట్టనున్నాడట. ఇక విజయ్ ప్రస్తుతం ‘తమీజరాసన్‌’, ‘అగ్ని సిరగుగాల్‌’, ‘ఖాకీ’ చిత్రాలతో పాటు మరో మూడు సినిమాల్లోను నటించనున్నాడు.
2016లో భారీ వసూళ్లను సాధించిన సినిమాగా కూడా బిచ్చగాడు రికార్డు నెలకొల్పింది. మంచి సంగీతంతో మనసును తాకే అభినయంతో నటీనటులు ఆకట్టుకున్నారు. అయితే బిచ్చగాడు సినిమా తర్వాత విజయ్ నుండి కొన్ని సినిమాలు విడుదల అయ్యాయి కానీ ఆ రేంజ్ సక్సెస్ కాలేకపోయాయి. ప్రస్తుతం విజయ్ హిట్ కోసం ఎదురు చూస్తున్నాడు. అయితే ఇండస్ట్రీలో ప్రస్తుతం బిచ్చగాడు సినిమా గురించి టాక్ నడుస్తుంది. త్వరలో బిచ్చగాడు సినిమాకి సీక్వెల్ తీయనున్నారట. ఆ విషయం విజయ్ ప్రకటించాడు. అంతేగాక ఈ సీక్వెల్ కోసం విజయ్ రచయితగా కూడా మారాడు.
ఇటీవలే విజయ్ ఓ ఇంటర్వ్యూలో మాట్లాడుతూ..‘‘నాలుగు నెలల నుంచి సీక్వెల్ కోసం స్ర్కిప్టును సిద్ధం చేసే పనిలో ఉన్నాను. స్ర్కిప్టుకి తుదిమెరుగులు దిద్దుతున్నాం. త్వరలోనే తారాగణంతో పాటు సాంకేతివర్గాన్ని వెల్లడిస్తానని’’ చెప్పాడు. మొదట్లో వచ్చిన బిచ్చగాడు చిత్రానికి దర్శకత్వం వహించిన శశి ప్రస్తుతం వేరే చిత్రాలతో బిజీగా ఉన్నాడట. మరి రాబోయే సీక్వెల్ డైరెక్టర్ ఎవరు అనేది తెలియాల్సి ఉంది. ఇదిలా ఉండగా జులై 24న విజయ్ పుట్టినరోజు. ఆ రోజున బిచ్చగాడు నిర్మాతలు సీక్వెల్ పోస్టర్ విడుదల చేయనున్నారని సమాచారం. రాబోయో సీక్వెల్‌కి సంగీతం కూడా విజయ్ ఆంటోనినే చేపట్టనున్నాడట. ఇక విజయ్ ప్రస్తుతం ‘తమీజరాసన్‌’, ‘అగ్ని సిరగుగాల్‌’, ‘ఖాకీ’ చిత్రాలతో పాటు మరో మూడు సినిమాల్లోను నటించనున్నాడు.