పాకిస్తానీ సినిమా రీమేక్‌లో యువ‌హీరో?

వైవిధ్యం ఉన్న స్క్రిప్టుల‌తో ప్ర‌యోగాలు చేసేందుకు వెన‌కాడ‌ని హీరోగా శ్రీ‌విష్ణుకి పేరుంది. కొన్ని వ‌రుస‌ ప్ర‌యోగాల‌తో ప్ర‌జ‌ల హృద‌యాల‌ను గెలుచుకున్నాడు అత‌డు. ఇప్పుడు ఒక పాకిస్తానీ సినిమాని రీమేక్ చేయడానికి ప్లాన్ చేస్తున్నట్లు సమాచారం. ఘ‌న‌విజ‌యం సాధించిన పాకిస్తానీ సినిమా చూశాక‌.. దానిని రీమేక్ చేయాల‌ని నిర్ణ‌యించుకున్న‌ట్టు తెలిసింది. ఇది ఒక అంద‌మైన రొమాంటిక్ కామెడీ..అంద‌రికీ న‌చ్చే విధంగా ఉంది. ఇప్ప‌టికే దీనికోసం ఒక యువ‌ద‌ర్శ‌కుడు నిర్మాత‌తో క‌లిసి ప‌ని చేస్తున్నార‌ని కూడా తెలిసింది.

రాజా రాజా చోరా - బ్రోచేవారెవరురా వంటి లైట‌ర్ వెయిన్ కామెడీ చిత్రాలు శ్రీ‌విష్ణు మార్కెట్‌ను నిలబెట్టాయి. సామ‌జ‌వ‌ర‌గ‌మ‌న తో ఆశించిన విజ‌యం ద‌క్కింది. సాగ‌ర్ చంద్ర‌తో చేసిన ప్ర‌యోగాత్మ‌క చిత్రం `అప్ప‌ట్లో ఒక‌డుండేవాడు` కూడా శ్రీ‌విష్ణుని న‌టుడిగా ఎలివేట్ చేసింది. ఇందులో నారా రోహిత్ కూడా కీల‌క పాత్ర‌ను పోషించారు. అయితే అల్లూరి - భ‌లా తందనానా వంటి చిత్రాలు బాక్సాఫీస్ వద్ద ఫెయిల‌య్యాయి. కొంత క‌ష్ట‌కాలం ఎదురైనా కానీ, విభిన్న క‌థాంశాల‌తో ప్ర‌యోగాలు చేయ‌డం అత‌డికే చెల్లింది.

ఇటీవ‌ల తెలివిగా మినిమం గ్యారెంటీ కంటెంట్ ని ఎంపిక చేసుకుని ముందుకు వెళుతున్నాడు. స‌రైన కామిక్ టైమింగ్, రొమాంటిక్ జాన‌ర్ సినిమాల‌తో తిరిగి శ్రీ‌విష్ణు స‌త్తా చాటాల‌ని భావిస్తున్న‌ట్టు తెలిసింది. ముఖ్యంగా యువ‌త‌రాన్ని థియేట‌ర్ల‌కు ర‌ప్పించేందుకు ఉన్న స్కోప్ ని అత‌డు మిస్ చేస్కోద‌లుచుకోలేద‌ని తాజా ఎంపిక చెబుతోంది. పాకిస్తానీ సినిమా రొమాంటిక్ జాన‌ర్ లో అంద‌రినీ ఆక‌ట్టుకునే స్క్రీన్ ప్లేతో కొన‌సాగుతుంద‌ని తెలిసింది.