బాలయ్య - శ్రీలీల.. హార్ట్ టచింగ్ ఉయ్యాల!

నందమూరి బాలకృష్ణ నటించిన భగవంత్ కేసరి సినిమా ఇటీవల దసరా సందర్భంగా ప్రేక్షకుల ముందుకు వచ్చిన విషయం తెలిసిందే. అనిల్ రావిపూడి దర్శకత్వంలో వచ్చిన ఈ సినిమా బాక్సాఫీస్ వద్ద సాలిడ్ కలెక్షన్స్ సొంతం చేసుకుంది. బాలయ్య బాబు గతంలో ఎప్పుడు లేనంతగా డిఫరెంట్ గా ఈ సినిమాలో కనిపించాడు. ఇక శ్రీలీల మరొక ఎమోషనల్ క్యారెక్టర్ లో కనిపించింది.

మొత్తానికి ఈ సినిమా ఫ్యామిలీ ఆడియన్స్ ను మాత్రమే కాకుండా మాస్ ప్రేక్షకులను కూడా ఎంతగానో ఆకట్టుకుంది. ఇక తమన్ ఇచ్చిన మ్యూజిక్ కూడా ఓ వర్గం వారిని బాగా ఆకట్టుకుంది. సినిమాలో ఎక్కువగా హైలెట్ అయిన పాటలలో ఉయ్యాలో ఉయ్యాల ఒకటి. తండ్రి కూతురు బాండింగ్ లో ఉండే ఎమోషన్ ను ఈ పాటలో చాలా చక్కగా హైలెట్ చేశారు.

బాలకృష్ణ శ్రీలీల ఇద్దరు కూడా గుండెను టచ్ చేసే విధంగా వారి పరిపాలిస్తూ ఆకట్టుకున్నారు. ఇక ఈ ఫుల్ వీడియో సాంగ్ కూడా యూట్యూబ్లో విడుదల చేశారు. అందులో బాలకృష్ణ సరదాగా ప్రేమగా ఉండటమే కాకుండా ఒక ఆడపిల్లను చాలా బలంగా మార్చాలి అని సంకల్పంతో కనిపించాడు. ఇక చూస్తుండగానే ఎదిగిన పాపను చూసి మరింతగా ఎమోషనల్ అయినా బాలయ్య బాబు ఆమె కోసం ఎంతవరకైనా వెళ్లే విధంగా కనిపించాడు.

ఇక శ్రీ చరణ్ పాడిన ఈ పాటకు థమన్ ఇచ్చిన మ్యూజిక్ పర్ఫెక్ట్ గా సెట్ అయింది. చాలా మంది ఫ్యామిలీ ఆడియన్స్ లలో ఈ పాట ఎప్పటికి గుర్తుండిపోతుంది అని చెప్పవచ్చు. ఇక సోషల్ మీడియాలో కూడా చాలామంది తండ్రి కూతుర్లు కలిసి ఈ పాటకు స్టెప్పులు రీల్స్ కూడా చేశారు. సినిమాకు మంచి హైప్ క్రియేట్ చేసిన ఈ పాట కూడా ఎంతగానో కట్టుకుంటుంది.

ఇక ఈ సినిమా ఓటీటీ లో వస్తే మరోసారి చూడాలని కూడా చాలా మంది ఆడియన్స్ చూస్తున్నారు. ఇక నందమూరి బాలకృష్ణ భగవంత్ కేసరి సినిమాతో వరుసగా మూడో సక్సెస్ అందుకొని రికార్డును క్రియేట్ చేసుకున్నారు. అఖండ తర్వాత వచ్చిన వీర సింహారెడ్డి కూడా బాక్సాఫీస్ వద్ద సక్సెస్ అందించిన విషయం తెలిసిందే. ఇక ప్రస్తుతం బాలయ్య బాబీ దర్శకత్వంలో ఒక సినిమా చేస్తున్న విషయం తెలిసిందే.