మంచు విష్ణు కోసం మోహ‌న్ బాబు విశ్వ‌రూపం
ఇప్ప‌టికే ఈ సినిమాలోని కీల‌క పాత్ర‌లైన శిపార్వ‌తుల పాత్ర‌ల్లో ప్ర‌భాస్, న‌య‌న‌తార న‌టిస్తారంటూ ప్ర‌చారం జ‌రుగుతోంది
క‌లెక్ష‌న్ కింగ్ మోహ‌న్ బాబు త‌న త‌న‌యుడు మంచు విష్ణు కోసం విశ్వ‌రూపం చూపిస్తున్నాడా? అంటే జ‌రుగుతున్న ప‌రిణామాల‌ని గ‌మ‌నిస్తే అవున‌నే స‌మాధానం వినిపిస్తోంది. మంచు విష్ణుని హీరోగా ప‌రిచ‌యం చేస్తూ కొన్నేళ్ల క్రితం అన్న‌పూర్ణ స్టూడియోస్‌లో క‌లెక్ష‌న్ కింగ్ మోహ‌న్ బాబు చేసిన హంగామా అంతా ఇంతా కాదు. మ‌ళ్లీ ఇన్నేళ్ల తరువాత మ‌రో సారి మంచు విష్ణు కోసం మోహ‌న్ బాబు రంగంలోకి దిగారు. త‌న త‌న‌యుడికి ఈ సారి ఎలాగైనా బ్లాక్ బ‌స్ట‌ర్ హిట్‌ని అందించాల‌ని, ఆ ప్రాజెక్ట్ టాక్ ఆఫ్ ది ఇండియాగా నిల‌వాల‌ని విశ్వ‌ప్ర‌య‌త్నాలు చేస్తున్నారు.
మంచు విష్ణు న‌టిస్తున్న భారీ ప్రాజెక్ట్ 'క‌న్న‌ప్ప'. కొంత కాలంగా స‌రైన స‌క్సెస్‌ని సొంతం చేసుకోలేక కెరీర్ ప‌రంగా తీవ్ర ఇబ్బందులు ఎదుర్కొంటున్న మంచు విష్ణు ఈ సినిమాతో ఎలాగైనా త‌న స‌త్తా చాటాల‌నుకుంటున్నారు. అందులో భాగంగానే ఈ మూవీని త‌న డ్రీమ్ ప్రాజెక్ట్‌గా మొద‌లు పెట్టారు. ఇటీవ‌ల న్యూజిలాండ్‌లో అత్యంత భారీ స్థాయిలో 'క‌న్న‌ప్ప' ప్రాజెక్ట్ మొద‌లైంది. అవా ఎంట‌ర్‌టైన్‌మెంట్స్‌, 24 ఫ్రేమ్స్ ఫ్యాక్ట‌రీ బ్యాన‌ర్‌ల‌పై మంచు మోహ‌న్ బాబు, మంచు విష్ణు అత్యంత ప్ర‌తిష్టాత్మ‌కంగా ఈ ప్రాజెక్ట్‌ను నిర్మిస్తున్నారు.
న‌భూతో న‌భ‌విష్య‌తి అనే స్థాయిలో ఈ ప్రాజెక్ట్‌ని తెర‌పైకి తీసుకొస్తున్నారు. మ‌హాభార‌తం సీరియ‌ల్‌కు ద‌ర్శ‌క‌త్వం వ‌హించి ప్ర‌శంస‌లు ద‌క్కించుకున్న బాలీవుడ్ డైరెక్ట‌ర్ ముఖేష్ కుమార్ ఈ సినిమాకు ద‌ర్శ‌క‌త్వం వ‌హిస్తున్నారు. 'క‌న్న‌ప్ప' మంచు విష్ణు కెరీర్‌కు అత్యంత కీల‌క‌మైన ప్రాజెక్ట్ కావ‌డంతో రంగంలోకి దిగిన మోహ‌న్ బాబు త‌నకున్న ఇమేజ్‌తో, త‌నకున్న ప‌రిచ‌యాల‌తో ఈ ప్రాజెక్ట్ కోసం ఊహించని స్టార్ల‌ని రంగంలోకి దించేస్తున్నారు.
ఇప్ప‌టికే ఈ సినిమాలోని కీల‌క పాత్ర‌లైన శిపార్వ‌తుల పాత్ర‌ల్లో ప్ర‌భాస్, న‌య‌న‌తార న‌టిస్తారంటూ ప్ర‌చారం జ‌రుగుతోంది. దీనిపై మంచు విష్ణు నేరుగా స్పందించ‌క‌పోయినా ఇండైరెక్ట్‌గా ఈ న్యూస్ నిజ‌మేన‌ని క్లారిటీ ఇచ్చాడు. ఆ తరువాత మ‌రో కీల‌క క్యారెక్ట‌ర్ కోసం మ‌ల‌యాళ స్టార్ హీరో మోహ‌న్ లాల్‌ను ఫైన‌ల్ చేయ‌డం తెలిసిందే. తాజాగా మ‌రో క్రేజీ స్టార్‌ని ఈ ప్రాజెక్ట్ కోసం ఎంపిక చేయ‌డం టాక్ ఆఫ్ ది ఇండ‌స్ట్రీగా మారింది.
ఈ సినిమాలోకి మ‌రో కీల‌క పాత్ర కోసం క‌న్న‌డ స్టార్ హీరో శివ‌రాజ్ కుమార్‌ని తీసుకున్నారు. ఈ విష‌యాన్ని స్వ‌యంగా చిత్ర బృందం ప్ర‌క‌టించింది. ఆయ‌నే సర్వం, ఆయ‌నే విశ్వం..అంటూ హ‌ర హ‌ర మ‌హ‌దేవ అనే హ్యాష్ ట్యాగ్‌ని జోడించి స్ప‌ష్టం చేసింది. ఇప్ప‌టి వ‌ర‌కు ఫైన‌ల్ అయినా క్రేజీ స్టార్ల‌ల‌తో ఈ ప్రాజెక్ట్ ఇప్పుడు ఇండియా వ్యాప్తంగా హాట్ టాపిక్‌గా మారింది. రానున్న రోజుల్లో మ‌రెంత మంది స్టార్ల‌ని మోహ‌న్ బాబు 'క‌న్న‌ప్ప' కోసం రంగంలోకి దించేస్తాడో వేచి చూడాల్సిందేన‌ని ఇండ‌స్ట్రీ వ‌ర్గాలు అంటున్నాయి.