బిగ్ బాస్ 8 : ఆ తప్పుల వల్లే హరితేజ ఎలిమినేట్..?

బిగ్ బాస్ సీజన్ 8 లో హరితేజ ఎలిమినేషన్ ఆమె ఫ్యాన్స్ కి షాక్ ఇచ్చింది. బిగ్ బాస్ తెలుగు సీజన్ 1 లో టాప్ కంటెస్టెంట్ గా ఒక రేంజ్ లో పాపులారిటీ సంపాదించిన హరితేజ సీజన్ 8 లో వైల్డ్ గా వచ్చి ఏమాత్రం ప్రభావం చూపించలేకపోయింది. హరితేజ లో అప్పటి ఎనర్జీ మిస్ అయ్యిందని అనుకున్నా ఆమె హౌస్ లో చేసిన కొన్ని తప్పుల వల్ల ఎలిమినేట్ అవ్వాల్సి వచ్చింది.

ముఖ్యంగా ఆమె స్ట్రాంగ్ అనుకున్న వారితో కాకుండా వీక్ గా ఉన్న వారితో ఫ్రెండ్ షిప్ చేసింది. హరితేజ నయని పావనితో ఎక్కువ క్లోజ్ గా ఉంది. నయని అసలే టాస్కులు సరిగా ఆడక వీక్ గా ఉంటే ఆమెతో ఉండటం వల్ల హరితేజ ఆట ఎవరికి కనబడలేదు. ఐతే నయని ఎలిమినేషన్ తర్వాత హరితేజ స్ట్రాంగ్ కంటెస్టెంట్ అయిన నిఖిల్ తో కాస్త క్లోజ్ గా ఉంటుంది. ఐతే ఇదే క్రమంలో మరో స్ట్రాంగ్ కంటెస్టెంట్ ప్రేరణ తో ఆమె గొడవ పడింది.

హరితేజ వర్సెస్ ప్రేరణ టాస్క్ ఏదైనా.. సమయం ఏదైనా.. ఆమెను ఈమె.. ఈమెను ఆమె టార్గెట్ అన్నట్టుగా వాదన జరిపారు. అసలే ప్రేరణ మొదటి నుంచి కాస్త డామినేషన్ చూపిస్తున్న కారణంగా ఆమె ఫ్యాన్స్ కూడా హరితేజని బయటకు పంపించడానికి రీజన్ అయ్యారని చెప్పొచ్చు. మరోపక్క నబీల్ గురించి కూడా రివెంజ్ స్టోరీ అంటూ కామెంట్స్ చేయడం బిగ్ బాస్ ఆడియన్స్ కి ఆమె మీద ఒక ఒపీనియన్ వచ్చేలా చేసింది.

బిగ్ బాస్ సీజన్ 8 లో హరితేజ ఉన్న ఆరు వారాలు ఒకటి రెండు టాస్కుల్లో తప్ప పెద్దగా ఆకట్టుకుంది లేదు. మరోపక్క ఆమె బ్యాక్ బిచ్చింగ్ వల్ల ఆడియన్స్ దృష్టిలో బ్యాడ్ అయ్యింది. ఈ కారణాలన్నీ కూడా ఆమెను బిగ్ బాస్ హౌస్ నుంచి బయట దారి పట్టేలా చేశాయి. ఐతే హరితేజ ఉన్న ఐదారు వారాల్లోనే పారితోషికంగా 15 లక్షల దాకా తీసుకుందని టాక్.

వారానికి 3 లక్షల చూపుల ఆమె రెమ్యునరేషన్ తో హౌస్ లోకి వచ్చినట్టు తెలుస్తుంది. ఈ లెక్కన హరితేజకు బాగానే వర్క్ అవుట్ అయినట్టు చెప్పొచ్చు. ఐతే వెనక మాట్లాడకుండా కాస్త తెలివిగా ఆడి ఉంటే హరితేజ ఇంకొన్నాళ్లు హౌస్ లో ఉండే అవకాశం ఉండేది.