NBK109 : ఫ్యాన్స్‌ కోసం ఇంటర్వెల్‌ సీన్...!

నందమూరి బాలకృష్ణ బ్యాక్ టు బ్యాక్ మూడు భారీ విజయాలను సొంతం చేసుకున్న నేపథ్యంలో ప్రస్తుతం బాబీ దర్శకత్వంలో చేస్తున్న భారీ యాక్షన్‌ ఎంటర్‌ టైనర్‌ మూవీకి సంబంధించిన అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా బాబీ తనదైన మార్క్ మాస్‌ మసాలా మూవీని రూపొందిస్తున్నాడు.

వాల్తేరు వీరయ్య వంటి మాస్ కమర్షియల్‌ ఎంటర్‌ టైనర్‌ ను అందించిన బాబీ తదుపరి సినిమా ఇదే అవ్వడంతో అంచనాలు ఆకాశాన్ని తాకేలా ఉన్నాయి. ఒక హీరోను ఆయన అభిమానులు ఎలా చూడాలి అనుకుంటారు అనే విషయం బాబీకి బాగా తెలుసు. అందుకే కొన్ని సార్లు కథతో సంబంధం లేకుండా హీరో ఎలివేషన్‌ సన్నివేశాలను అద్భుతంగా తీస్తాడు.

బాలయ్య అభిమానుల కోసం కూడా ప్రస్తుత సినిమాలో అద్భుతమైన ఇంటర్వెల్‌ సీన్‌ ను డిజైన్ చేస్తున్నాడట. బాలయ్య ఫ్యాన్స్‌ తో పాటు ప్రతి ఒక్కరు కూడా థియేటర్‌ లో కుర్చీ నుంచి లేచి మరీ విజిల్‌ వేసే విధంగా ఆ ఇంటర్వెల్‌ సీన్‌ ను దర్శకుడు బాబీ రాశాడు అంటూ యూనిట్‌ సభ్యులు చెబుతున్నారు.

ప్రస్తుతం ఆ సీన్‌ కు సంబంధించిన షూటింగ్ ప్రీ ప్రొడక్షన్ వర్క్ జరుగుతుందట. ప్రస్తుతం చేస్తున్న షెడ్యూల్‌ పూర్తి అయిన వెంటనే మరో చోట వేస్తున్న టెంపుల్‌ సెట్‌ లో ఈ పవర్ ఫుల్‌ ఇంటర్వెల్‌ సన్నివేశం చిత్రీకరణ జరుపుతారు అంటూ వార్తలు వస్తున్నాయి.

మొత్తానికి బాలయ్య ఫ్యాన్స్‌ కి మరో హ్యాట్రిక్ ను అందిస్తాను అనే నమ్మకంను బాబీ వ్యక్తం చేస్తున్నాడు. ఈ సినిమాలో బాలీవుడ్‌ స్టార్‌ నటి ఊర్వశి రౌతేలా హీరోయిన్ గా నటిస్తుంది. కీలక పాత్రలో చాందిని చౌదరి కనిపించబోతుంది. ఇక యానిమల్‌ విలన్‌ బాబీ డియోల్‌ ఈ సినిమాలో విలన్ గా కనిపించబోతున్నాడు.