రియ‌ల్ ఫైట‌ర్ ని మించిన లేడీ పైట‌ర్!

బాలీవుడ్ లో గెస్ట్ అపిరియ‌న్స్ రోల్స్ అంటే? ఎలా ఉంటాయో చెప్పాల్సిన ప‌నిలేదు. గెస్ట్ అప్పిరియ‌న్స్ అంటే ఓ రేంజ్ లో ఉంటుంది. హీరో ఇమేజ్ కి ఏమాత్రం త‌గ్గ‌కుండా ఎంట్రీ ఉండేలా ప్లాన్ చేస్తారు. ఇప్పుడ‌దే త‌ర‌హాలో హీరోయిన్ల విష‌యంలో మేక‌ర్స్ ఎక్క‌డా త‌గ్గ‌డం లేదు. రియ‌ల్ హీరోల్ని మించి లేడీ భామ‌ల్ని తెర‌పై అద్భుతంగా చూపిస్తున్నారు. ప‌రిచ‌య స‌న్నివేశాలే అద‌ర‌గొట్టేస్తున్నారు.

తెర‌పై క‌నిపించేది కాసేపు అయినా ఉన్నంత సేపు మెరుపులే అన్న చందంగా ఆ పాత్ర‌ల్ని తీర్ది దిద్దుతు న్నారు. ఇటీవ‌లే 'జ‌వాన్' చిత్రంలో దీపికా పదుకొణే గెస్ట్ రోల్ ఎలా హైలైట్ అయిందో తెలిసిందే. ఇందులో అమ్మ‌డిది గెస్ట్ రోల్ ని మించిన పాత్ర‌. మెయిన్ లీడ్ న‌య‌న‌తార పోషించినా...గెస్ట్ పాత్ర‌లో దీపిక అద‌ర‌గొట్టేసింది. అలాంటి న‌టికి యాక్షన్ పాత్ర‌ల్లో క‌నిపించే ఛాన్స్ వ‌స్తే ఇంకెలా ఉంటుందో చెప్పాల్సిన ప‌నిలేదు.

ఇప్ప‌టికే 'ప‌ఠాన్' చిత్రంలో ఐఎస్ ఐ ఏజెంట్ పాత్ర‌లో త‌న‌దైన మార్క్ వేసింది. యాక్ష‌న్ స‌న్నివేశాల్లో దీపిక న‌ట‌న‌కు విమ‌ర్శ‌కుల ప్ర‌శంస‌లు ద‌క్కాయి. యాక్ష‌న్ చిత్రాల‌కు ఏమాత్రం తీసిపోని నాయిక‌గా నిరూపిం చింది. తాజాగా 'ఫైట‌ర్' లోనూ అదే త‌ర‌హా పాత్ర‌లో క‌నిపించ‌బోతుంది. హృతిక్ రోష‌న్ క‌థానాయ‌కుడిగా సిద్దార్ధ్ ఆనంద్ 'పైట‌ర్' చిత్రాన్ని తెర‌కెక్కిస్తోన్న సంగ‌తి తెలిసిందే. ఇప్ప‌టికే హృతిక్ లుక్ కి మంచి రెస్పాన్స వ‌చ్చింది.

పైట‌ర్ పాత్ర‌లో హృతిక్ ఆహార్యానికి మంచి రెస్పాన్స్ వ‌చ్చింది. ఈ నేప‌థ్యంలో తాజాగా దీపిక ప‌దుకొణే పోస్ట‌ర్ ఒక‌టి రిలీజ్ చేసారు. ఇందులో దీపిక రియ‌ల్ ఫైట‌ర్ నే మించిపోయింది. ఆ రేంజ్ లో దిపిక లుక్ హైలైట్ అవుతుంది. పైట‌ర్ దుస్తుల్లో దీపిక ఆహార్యం వావ్ అనిపిస్తుంది. అమ్మ‌డు గెట‌ప్ కి అభిమానులు ఫిదా అవ్వ‌డం ఖాయం. ఆందులో దీపిక మిన్ని అనే పాత్ర పోషిస్తున్న‌ట్లు రివీల్ చేసారు. ప్ర‌స్తుతం ఈ పోస్ట‌ర్ నెట్టింట వైర‌ల్ గా మారింది.