ప్ర‌భాస్ 'క‌ల్కి' బ్యూటీ హాలీవుడ్‌కి షిఫ్ట్

బాలీవుడ్ నుంచి చాలా మంది క‌థానాయిక‌లు హాలీవుడ్ లో న‌టించారు. అందులో ఐశ్వ‌ర్యారాయ్, న‌ర్గీస్ ఫ‌క్రీ, ప్రియాంక చోప్రా, దీపిక ప‌దుకొనే పేర్లు ప్ర‌ముఖంగా ఉన్నాయి. ప్రియాంక చోప్రా ఇటీవ‌ల వ‌రుస‌గా హాలీవుడ్ ప్రాజెక్టుల‌కే ప్రాముఖ్య‌త‌నిస్తుండ‌గా, ఇతర నాయిక‌లు అరుదుగా మాత్ర‌మే హాలీవుడ్ లో న‌టిస్తున్నారు.

ఇప్పుడు ప్ర‌భాస్ స‌ర‌స‌న 'క‌ల్కి' చిత్రంలో న‌టిస్తున్న‌ దీపిక ప‌దుకొనే త‌న త‌దుప‌రి హాలీవుడ్ చిత్రంపై దృష్టి సారించార‌ని తెలుస్తోంది. దీపికా పదుకొనే తన మొదటి హాలీవుడ్ ప్రాజెక్ట్ 'XXX: రిటర్న్ ఆఫ్ క్జాండర్ కేజ్‌'(2017)లో న‌టించింది. ఇప్పుడు మరో భారీ యాక్ష‌న్ ఎంట‌ర్ టైన‌ర్ లో న‌టించ‌డానికి సిద్ధంగా ఉందని గుస‌గుస‌లు వినిపిస్తున్నాయి. జూమ్ నివేదిక ప్రకారం.. ది వైట్ లోటస్ వెబ్ సిరీస్ మూడవ సీజన్ లో దీపిక న‌టించ‌నుంది. అమెరికన్ కామెడీ-డ్రామా షో మూడవ సీజన్ ను ప్ర‌స్తుతం థాయిలాండ్‌లో చిత్రీకరిస్తున్నారు. అయితే ఈ వార్తలను దీపిక‌ ఇంకా అధికారికంగా ధృవీకరించలేదు.

దీపిక ప్ర‌స్తుతం 'ఫైటర్' విడుదల ప్ర‌మోష‌న్స్ లో బిజీగా ఉంది. ఈ చిత్రం టీజ‌ర్, ట్రైల‌ర్ ద‌శ నుంచే మాస్‌లో ఫీవర్ పుట్టించగా అడ్వాన్స్ బుకింగుల్లోను దూసుకెళుతోంది. ఈ చిత్రం పవర్-ప్యాక్డ్ యాక్షన్ సీక్వెన్స్ ల‌తో రూపొందింది. ఇప్పటి వరకు 3D, 3D IMAX ఫార్మాట్‌లలో అత్యుత్తమ అత్యాధునిక విజువల్ ఎఫెక్ట్స్ ని ఈ సినిమా కోసం ఉప‌యోగించామ‌ని టీమ్ చెబుతోంది. హృతిక్ రోషన్ - దీపికా పదుకొణెల సిజ్లింగ్ కెమిస్ట్రీ ఈ చిత్రానికి అద‌న‌పు ఆకర్ష‌ణ కానుంది. ఆడ్రినలిన్-పంపింగ్ యాక్షన్-ప్యాక్డ్ రైడ్ కోసం ప్రేక్షకులు తమ టిక్కెట్‌లను ముందస్తుగా బుక్ చేసుకునే అవకాశాన్ని కల్పిస్తూ ఫైటర్ అడ్వాన్స్ బుకింగ్ ప్రారంభించింది. సినిమాపై జనాల్లో ఉన్న పిచ్చి చూస్తుంటే ఓపెనింగుల ప‌రంగా రికార్డులు క్రియేట్ చేస్తుందని విశ్లేషిస్తున్నారు. 75వ గణతంత్ర దినోత్సవం సందర్భంగా పెద్ద తెరపైకి రాబోతున్న ఈ చిత్రం 2024కి సరైన ప్రారంభం కానుందని అంచ‌నా వేస్తున్నారు. సిద్ధార్థ్ ఆనంద్ దర్శకత్వం వహించిన ఈ చిత్రాన్ని మార్ఫ్లిక్స్ పిక్చర్స్ - వయాకామ్ 18 స్టూడియోస్ సంయుక్తంగా నిర్మించాయి. ఫైటర్ 25 జనవరి 2024న థియేటర్లలోకి రానుంది.