నిర్మాతల మండలి వ‌ర్సెస్ ధనుష్..దీనికి ముగింపు ఎలా?
తమిళ చిత్ర నిర్మాతల మండలి సినిమా ఇండ‌స్ట్రీని ఉద్దేశించి ఇటీవ‌ల కొన్ని నిర్ణ‌యాలు తీసుకున్న సంగ‌తి తెలిసిందే.
తమిళ చిత్ర నిర్మాతల మండలి సినిమా ఇండ‌స్ట్రీని ఉద్దేశించి ఇటీవ‌ల కొన్ని నిర్ణ‌యాలు తీసుకున్న సంగ‌తి తెలిసిందే. అన్నింటిని ప‌క్క‌న‌బెట్టి చూస్తే ఇందులో కోలీవుడ్ స్టార్ హీరో ధనుష్ టార్గెట్ గా తీసుకున్న కొన్ని నిర్ణ‌యాలు సంల‌చనంగా మారాయి. త‌వ్వే కొద్ది ధనుష్ టార్గెట్ గానే నిర్మాతల మండలి రంగంలోకి దిగిందా? దీని వెనుక రాజ‌కీయ‌ణం కోణం కూడా ఉందా? అన్న సందేహాలు సైతం తెర‌పైకి వ‌స్తున్నాయి.
ఈ విష‌యంలో ఇప్ప‌టికే న‌డిగ‌ర్ సంఘం కూడా ధనుష్ కి మ‌ద్ద‌తు ప్ర‌క‌టించింది. తాజాగా ది సౌత్ ఇండియన్ ఆర్టిస్ట్ అసోసియేషన్ కూడా ధనుష్ కి అడంగా నిల‌బ‌డింది. వివ‌రాల్లోకి వెళ్తే అడ్వాన్సులు తీసుకున్న అనంత‌రం ధనుష్ త‌క్ష‌ణం ఆ ప్రాజెక్ట్ లు పూర్తి చేయ‌డం లేద‌ని..మ‌ధ్య‌లో వేరే నిర్మాణ సంస్థ‌ల నుంచి అడ్వాన్సులు తీసుకుని ముందుగా త‌న‌కి న‌చ్చిన వారికి డేట్లు కేటాయిస్తున్నార‌నే ఆరోప‌ణ నిర్మాత ల నుంచి నిర్మాతల మండ‌లికి వెళ్ల‌డంతో ధనుష్ ని సినిమాలోకి తీసుకునే ముందు, అడ్వాన్స్ లు ఇచ్చిన త‌ర్వాత నిర్మాతల మండ‌లిని సంప్ర‌దించాల‌ని మండలి సూచించింది.
అయితే మండలి ఇలా ధనుష్ ని వ్య‌క్తిగ‌తంగా టార్గెట్ చేయ‌డం న‌చ్చ‌లేద‌ని అభ్యంత‌రం వ్య‌క్తం చేసింది. అత‌న్ని సంప్ర‌దించాలి...అత‌నిత పాటు న‌డిగ‌ర్ సంఘం అభిప్రాయం కూడా సేక‌రించి నిర్ణ‌యం తీసుకుంటే బాగుండేద‌ని...కానీ ఎలాంటి సంప్ర‌దింపులు లేకుండా నిర్ణ‌యాలు తీసుకోవ‌డం అన్న‌ది స‌హేతుకంగా లేద‌ని న‌డిగ‌ర్ అధ్య‌క్షుడు నాజర్ ఆక్షేపించారు.
నిర్మాతల మండలి త‌మ నిర్ణ‌యాన్ని వెంట‌నే వెన‌క్కి తీసుకోవాల‌ని డిమాండ్ చేసారు. ఈ నేపథ్యంలోనే ధనుష్ కి అండగా `ది సౌత్ ఇండియన్ ఆర్టిస్ట్స్ అసోసియేషన` రంగంలోకి దిగింది. తమిళ ఫిల్మ్ ప్రొడ్యూసర్స్ కౌన్సిల్ నుంచి ధనుష్ మీద ఇప్పటి వరకు ఎలాంటి ఫిర్యాదులు లేవని పేర్కొంది. అతడి మీద కొత్తగా కంప్లైంట్స్ కూడా ఏవీ నమోదు కాలేదని స్పష్టం చేసింది. ఇరు వర్గాలు కూర్చుని చర్చించు కుంటే సమస్యకు పరిష్కార మార్గం సులభం అవుతుందని సూచించింది. అలాగే ఉన్న ప‌ళంగా సినిమా షూటింగ్ లు ఆప‌డం అన్న‌ది స‌రైన చ‌ర్య‌గా భావించ‌డం లేదంది.
నిర్ణ‌యాల‌న్నీ ఏక‌ప‌క్షంగానే ఉన్నాయ‌ని, ఇవేవి ప‌రిశ్ర‌మ‌కి మంచి చేసేవి కాద‌ని సౌత్ అసోసియేషన్ అభిప్రాయ‌డింది. కోలీవుడ్ లో చాలా మంది హీరోలున్నారు. ఒక‌వేళ ధనుష్ అలా చేస్తే అత‌డొక్క‌డే ఇలా చేస్తున్నాడా? మిగ‌తా హీరోలంతా నిబంధ‌న‌ల‌కు లోబ‌డే ప‌నిచేస్తున్నారా? ఇది విడ్డూరంగానే ఉందంటూ ధనుష్ అభిమానులు పోస్ట్లు పెడుతున్నారు. అయితే ఈ వ్య‌వ‌హారంపై ధనుష్ ఇంకా రియాక్ట్ అవ్వ‌లేదు. అతడి రియాక్ష‌న్ ముగింపులా ఉంటుందా? కొన‌సాగింపులా ఉంటుందా? అన్న‌ది ఆస‌క్తిక‌రంగా మారింది.