ఆర్జీవీ 'చీర' కోసం హీరోయిన్ దొరికేసింది

వివాదాల దర్శకుడు రామ్ గోపాల్ వర్మ ఒక వైపు పొలిటికల్‌ 'వ్యూహం' ను రూపొందిస్తూ అందరి దృష్టిని ఆకర్షిస్తూ ఉన్నాడు. మరో వైపు తన రెగ్యులర్‌ రొటీన్ రొమాంటిక్ సినిమాలను కూడా చేసేందుకు గాను ఏర్పాట్లు చేస్తున్నాడు. చాలా రోజులుగా 'చీర' అనే సినిమాను రూపొందించేందుకు గాను వర్మ ప్రయత్నాలు చేస్తున్నాడు.

ఇటీవల వర్మ సోషల్‌ మీడియాలో చీర కట్టు లో ఉన్న ఒక లేడీని చూశాడు. ఆ లేడీ ఎవరు, మీలో ఎవరికైనా తెలిస్తే వెంటనే నాకు చెప్పండి అంటూ పోస్ట్‌ పెట్టాడు. వర్మ అడగడం.. ఆమె ఎవరో తెలియకుండా ఉండటమా... వెంటనే ఆమె గురించి తెలిసింది. సోషల్ మీడియాలో ఆమె ఒక్కసారిగా స్టార్ అయింది. ఆమె పేరు శ్రీలక్ష్మి. వర్మ గత రెండు రోజులుగా ఆమె నామం జపిస్తున్నాడు.

ఇన్ స్టాగ్రామ్ లో శ్రీలక్ష్మి సతీష్ అంటూ ఉన్న ఆమె అకౌంట్ రాత్రికి రాత్రే భారీ ఎత్తున ఫాలోవర్స్ ని దక్కించుకుంది. వర్మ ఆమెతో చీర అనే సినిమాను రూపొందించేందుకు ఏర్పాట్లు చేస్తున్నాడట. చీర కట్టు లో నిజంగానే ఆమె చాలా అందంగా ఉంది. ఆమె ఫిజిక్, ఆమె బ్యూటీ గురించి పెద్దగా చెప్పుకోవడానికి లేదు కానీ చీర కట్టు లో ఆమె భలే అందంగా ఉందని నెటిజన్స్ కూడా అభిప్రాయం వ్యక్తం చేస్తున్నారు.

రామ్‌ గోపాల్ వర్మ గతంలో ఎంతో మంది ముద్దుగుమ్మలను ఇండస్ట్రీకి పరిచయం చేయడం జరిగింది. ఇప్పుడు శ్రీలక్ష్మి సతీష్ ను కూడా హీరోయిన్ గా మంచి పాపులారిటీ సంపాదించుకునే అవకాశాలు ఉన్నాయి అంటూ ఇండస్ట్రీ వర్గాల వారు అభిప్రాయం వ్యక్తం చేస్తున్నారు.

ట్విట్టర్ మరియు ఇన్ స్టాగ్రామ్‌ లో రామ్ గోపాల్ వర్మ పదే పదే శ్రీలక్ష్మి ఫోటోలు మరియు వీడియో లను షేర్‌ చేస్తూ ఉన్న కారణంగా ఆమె త్వరలోనే ఇతర సినిమా ల్లో కూడా ఆఫర్లు దక్కించుకునే అవకాశాలు కనిపిస్తున్నాయి. వర్మ చీర కోసం దక్కిన ఈ హీరోయిన్ ఏ రేంజ్ లో పాపులర్ అయ్యేనో చూడాలి.