'స్పిరిట్' పై ఇంకా సందేహాలున్నాయా?

పాన్ ఇండియా స్టార్ ప్ర‌భాస్ క‌థానాయ‌కుడిగా సందీప్ రెడ్డి వంగా ద‌ర్శ‌క‌త్వంలో `స్పిరిట్` చిత్రం అధికారి క‌మైన సంగ‌తి తెలిసిందే. యానిమల్ సినిమా సెట్స్ లో ఉన్న‌ప్పుడే ఈ ప్రాజెక్ట్ గురించి అధికారిక ప్ర‌క‌ట‌న వ‌చ్చేసింది. ఇక రీసెంట్ గా `యానిమ‌ల్` తో బ్లాక్ బ‌స్ట‌ర్ అందుకోవ‌డంతో సందీప్ వంగ ప‌ట్టాలెక్కిం చాల్సిన సినిమా స్పిర‌ట్ అవుతుంద‌ని అంతా భావిస్తున్నారు. అందుకు త‌గ్గ‌ట్టు మీడియా క‌థ‌నాలు వైర‌ల్ అవుతున్నాయి.

అయితే రీసెంట్ గానే సందీప్ వ్యాఖ్య‌ల్ని బ‌ట్టి అత‌ను ప్ర‌భాస్ తో సినిమా చేస్తాడా? మ‌రో స్టార్ తో ముందుకెళ్తాడా? మ‌ళ్లీ బాలీవుడ్ హీరో అంటాడా? అన్న సందేహాలు తెర‌పైకి వ‌చ్చాయి. అవ‌న్నీ ప‌క్క‌న బెడితే తాజాగా `స్పిరిట్` గురించి మ‌రో ఇంట్రెస్టింగ్ విష‌యం నెట్టింట వైర‌ల్ అవుతోంది. ఇంకా `స్పిరిట్` స్టోరీ ఫైన‌ల్ వెర్ష‌న్ డార్లింగ్ విన‌లేద‌ని ప్ర‌చారమ‌వుతోంది. ఫైనల్ వెర్ష‌న్ విన్న త‌ర్వాత పూర్తి వివ‌రాలు బ‌య‌ట‌కు వ‌స్తాయ‌ని తెలుస్తుంది.

ప్ర‌స్తుతం ఈ క్రైమ్ డ్రామాకి సంబంధించి సందీప్ రెడ్డి స్క్రీన్ ప్లే సిద్దం చేస్తున్నాడుట‌. స్టోరీ స‌హా స్క్రీన్ ప్లే సిద్దం అయిన త‌ర్వాత డార్లింగ్ ని క‌లిసి వినిపించ‌నున్న‌ట్లు తెలుస్తోంది. స్టోరీ లాక్ అయిన నేప‌థ్యంలో ప్ర‌భాస్ రిజెక్ట్ చేయ‌డానికి ఎలాగూ అవ‌కాశాలు త‌క్కువ‌గానే ఉంటాయి. పైగా సందీప్ వ‌రుస బ్లాక్ బ‌స్ట‌ర్ విజ‌యాల‌తో స్పీడ్ మీదున్నాడు. అలాగే ఈసినిమా నిర్మాణంలో టీ సిరీస్ కూడా భాగ‌స్వామిగా మారుతుంద‌ని వినిపిస్తుంది.

`యానిమ‌ల్` నిర్మాణంలో టీ-సిరీస్ భాగ‌మైన సంగ‌తి తెలిసిందే. సందీప్ సొంత నిర్మాణ సంస్థ‌తో క‌లిసి ఈసినిమాని నిర్మించింది టీ-సిరీస్. యానిమ‌ల్ వ‌సూళ్లు చూసి టి-సిరీస్ స్పిరిట్ కోసం ఎంత ఖ‌ర్చు చేయ‌డానికైనా ముందుకొస్తుందిట‌. సినిమా బ‌డ్జెట్ కూడా భారీగానే ఉంటుం ద‌ని తెలుస్తోంది. మ‌రోవైపు ఈ సినిమా నిర్మాణంలో ప్ర‌భాస్ కి చెందిన యూవీ క్రియేష‌న్స్ కూడా ఉన్న సంగ‌తి తెలిసిందే. ఇలా అగ్ర నిర్మాణ సంస్థ‌లు స్పిరిట్ కోసం రంగంలోకి దిగుతున్నాయి. అన్ని అనుకున్న‌ట్లు జ‌రిగితే 2024 సెప్టెంబర్ లో సినిమా ప్రారంభం అవుతుంద‌ని తెలుస్తోంది.