ఎన్నికల రిజల్ట్.. నాని బ్లాక్ బస్టర్ రియాక్షన్

దసరా సినిమాతో బాక్సాఫీస్ వద్ద మొదటిసారి 100 కోట్ల మార్కెట్ను చూసిన నేచురల్ స్టార్ నాని ఆ తర్వాత సినిమాను కూడా అదే రేంజ్ లో తెరపైకి తీసుకువస్తాడు అని అందరూ అనుకున్నారు. కానీ ఈసారి భిన్నంగా క్యూట్ ఫ్యామిలీ లవ్ స్టోరీ తో ప్రేక్షకుల ముందుకు రాబోతున్నాడు. ఇక సినిమాకు అన్ని రకాలుగా ప్రమోషన్స్ హై క్రియేట్ చేసేందుకు ప్రమోషన్స్ అయితే గట్టిగానే చేస్తున్నాడు.

హీరోయిన్ పూర్తిస్థాయిలో సపోర్ట్ చేయకపోయినప్పటికీ నాని అయితే సోలోగానే ఈ సినిమాకు బజ్ క్రియేట్ చేసే ప్రయత్నం అయితే చేస్తున్నాడు. ఇక సోషల్ మీడియాలో కూడా ఫాలోవర్స్ అడిగిన ప్రశ్నలకు సైతం సమాధానం చెబుతూ వెళుతూ ఉన్నాడు. నాని కాంట్రవర్సీ లపై సున్నితంగా స్పందించే ప్రయత్నం అయితే చేస్తూ ఉంటాడు.

వీలైనంతవరకు ఎవరిని నొప్పించకుండా సమాధానం ఇస్తాడు. అంతేకానీ ఆ సమాధానాలను పట్టించుకోకుండా మాత్రం ఉండడు. ఇక రీసెంట్గా జరిగిన తెలంగాణ ఎన్నికల ఫలితాలపై టాలీవుడ్ ఇండస్ట్రీలోని ప్రముఖులు ఎవరు కూడా పెద్దగా రియాక్ట్ కాలేదు. ఇక స్టార్ హీరోలు సైతం కాస్త మౌనంగానే ఉన్నారు. కానీ నాని మాత్రం తెలివిగా సమాధానం ఇచ్చాడు.

తెలంగాణ ఎన్నికల ఫలితాలపై మీ అభిప్రాయం ఏమిటి అని అడగగానే నాని ఈ విధంగా రియాక్ట్ అయ్యాడు. '10 ఏళ్ళు బ్లాక్ బస్టర్ సినిమా చూశాం.. థియేటర్ లో సినిమా మారింది. ఇది కూడా బ్లాక్ బస్టర్ అవ్వాలని కోరుకుందా..' అంటూ తనదైన సినిమా స్టైల్ లో అయితే వివరణ ఇచ్చాడు. ఒక విధంగా ఇలాంటి ప్రశ్నకు ఏ విధంగా సమాధానం చెబుతాడా అని అందరూ ఎంతో ఆసక్తిగా ఉన్న సమయంలో నాని మాత్రం ఎవరిని హర్ట్ చేయకుండా చాలా క్లియర్ గా పాజిటివ్ గా రియాక్ట్ అయ్యాడు.

ఒకరిని మరి ఎక్కువగా పొగడలేదు.. అలాగని మరొకరిని తక్కువ చేసి మాట్లాడలేదు. చాలా పద్ధతిగా ప్రశ్నను దాటవేయకుండా దానికి సరైన సమాధానం తెలియజేశాడు. దీంతో నాని సమాధానానికి కూడా నెటిజన్లు చాలా పాజిటివ్గా రియాక్ట్ అవుతున్నారు ఇక హాయ్ నాన్న సినిమా డిసెంబర్ 7వ తేదీన విడుదల కాబోతోంది. మరి ఈ సినిమాతో నాని ఎలాంటి రిజల్ట్ అందుకుంటాడో చూడాలి.