పిక్ టాక్ : సీత వెంట నాన్న రొమాంటిక్ వాక్‌

నేచురల్ స్టార్ నాని హీరోగా ప్రస్తుతం రూపొందుతున్న చిత్రం 'హాయ్ నాన్న'. ఈ సినిమా లో నాని తండ్రి పాత్రలో కనిపించబోతున్నట్లుగా టైటిల్ ను చూస్తూ ఉంటే అర్థం అవుతుంది. పదేళ్ల పాప తండ్రిగా కనిపిస్తూ కూడా రొమాంటిక్ అండ్ లవ్‌ సీన్స్ లో నాని ని ఈ చిత్రం లో చూడబోతున్నామని తాజా పోస్టర్స్ ను చూస్తూ ఉంటే అర్థం అవుతోందని కొందరు కామెంట్స్ చేస్తున్నారు.

ఇప్పటి వరకు పాప తో ఉన్న పోస్టర్ లను ఎక్కువగా విడుదల చేయడం జరిగింది. కానీ ఈసారి నాని మరియు మృణాల్‌ ఠాకూర్‌ ఉన్న పోస్టర్ ను మాత్రమే రిలీజ్‌ చేయడం జరిగింది. ప్రస్తుతం ఈ పోస్టర్ సోషల్‌ మీడియాలో అందరి దృష్టిని ఆకర్షిస్తోంది. పెద్ద ఎత్తున వైరల్‌ అవుతున్న ఈ ఫోటో తో ఈ సినిమాలో మంచి లవ్‌ సీన్స్ కూడా ఉండబోతున్నాయి అనిపిస్తోంది.

సీతారామం సినిమా లో సీత పాత్రలో నటించి మెప్పించిన మృణాల్‌ ఈ సినిమాలో కూడా కాస్త అదే తరహా లుక్ లో కనిపిస్తోంది. అందుకే సీత వెనుక పడ్డ నాన్న నాని అంటూ నెటిజన్స్ కొందరు ఈ పోస్టర్‌ కి కామెంట్స్ చేస్తూ షేర్ చేస్తూ వైరల్‌ చేస్తున్నారు. అన్ని వర్గాల వారిని ఆకట్టుకునే విధంగా ఈ సినిమా ఉంటుందనే నమ్మకం వ్యక్తం అవుతోంది.

ఇప్పటికే విడుదల అయిన హాయ్ నాన్న గ్లిమ్స్ మరియు పాటలు సినిమా పై అంచనాలు పెంచాయి. తాజాగా ఈ పోస్టర్ తో సినిమా గురించి ఇప్పటి వరకు ఉన్న చిన్న చిన్న అనుమానాలు కూడా తొలగి పోయినట్లు అయిందని నెటిజన్స్ అభిప్రాయం వ్యక్తం చేస్తున్నారు.