ఇండ‌స్ట్రీకి రెండు క‌టౌట్లు రెడీ అవుతున్నాయే!

బాలీవుడ్ స్టార్ హృతిక్ రోష‌న్ క‌టౌట్ గురించి చెప్పాల్సిన ప‌నిలేదు. ఇండియ‌న్ గ్రీకువీరుడు ఎవ‌రంటే? ఠ‌క్కున హృతిక్ పేరు చెబుతారంతా. హృతిక్ హైట్..వెయిట్.. సిక్స్ ప్యాక్ లుక్..కండ‌లు తిరిగిన దేహం ఇంకే హీరోకి సాధ్యం కాదు. సిక్స్ ప్యాక్ హీరోలు చాలా మంది ఉన్నారు కానీ హృతిక్ లుక్ ని త‌ల‌పించ‌డం అన్న‌ది అసాధ్యం. టాలీవుడ్ లో ఆ క‌టౌట్ ప్ర‌భాస్..బాలీవుడ్ లో హృతిక్ కు మాత్ర‌మే సాధ్య‌మైంది.

మ‌రి ఆ జీన్స్ నుంచే వ‌చ్చే బిడ్డ‌లు ఎలా ఉంటారో చెప్పాల్సిన ప‌నిలేదు. సుస్సానే ఖాన్ తో హృతిక్ రోష‌న్ విడాకుల తీసుకున్న త‌ర్వాత కుమారుల భ‌విష్య‌త్ కోసం ఇరువురు అప్పుడ‌ప్పుడు స్నేహితుల్లా క‌లుస్తున్నారు. కానీ కుమారులు మాత్రం పెద్ద‌గా హైలైట్ అవ్వ‌డం లేదు. ఆ మాజీ దంత‌పతుల‌కు ప్రేహాన్- హృదాన్ అనే ఇద్ద‌రు అంద‌మైన కుమారులు గ‌ల‌రు. ప్రేహాన్ 2006లో జ‌న్మించగా...హృదాన్ 2008లో జ‌న్మించాడు.

ప్రేహాన్ వ‌య‌సు ఇప్పుడు 18 ఏళ్లు. అంటే ఓటు హ‌క్కు సంపాదించాడు. ఇక హృదాన్ ప్రేహాన్ కంటే రెండేళ్లు చిన్నవాడు. అంటే ప్రేహాన్ వ‌య‌సు 16 ఏళ్లు. స్కూలింగ్ పూర్తి చేసుకుని కాలేజీకి ఎంట‌ర్ అయ్యారు. అంటే టీనేజ‌ర్లు ఇద్ద‌రు. వీళ్లిద్ద‌రు మీడియా కంట ప‌డి చాలా కాల‌మ‌వుతుంది. భార్యా భ‌ర్త‌లిద్ద‌రు క‌లిసి ఉన్న రోజుల్లో త‌ల్లిదండ్రుల‌తో క‌నిపించేవారు. కానీ ఇప్పుడు ఎవ‌రి జీవితం వారిది కావ‌డంతో పిల్ల‌లు ఇద్ద‌రు ఎక్కువ‌గా త‌ల్లి వ‌ద్దే ఉంటున్న‌ట్లు తెలుస్తోంది.

తాజాగా పిల్లలు ఇద్ద‌రి తో సుస్సాన్ ఖాన్ దిగిన ఓ తాజా ఫోటో నెట్టింట వైర‌ల్ అవుతుంది. ఇద్ద‌రు తండ్రికి త‌గ్గ త‌నయ‌లు. రెండు క‌టౌట్లు మామూలుగా లేవు. ఎత్తులో త‌ల్లినే మించి పోయారు. ఇద్ద‌రి హెయిర్ స్టైల్ డాడ్ నే త‌ల‌పిస్తుంది. త‌ల్లితో గ‌తంలో దిగిన ఫోటో..తాజా ఫోటోని పోలుస్తూ నెటి జ‌నులు పోస్టులు పెడుతున్నారు. ప్ర‌స్తుతం ఈ ఫోటో నెట్టింట వైర‌ల్ గా మారింది.