శాఖాహారం జంతు సంక్షేమంలో 'పెటా' గుర్తించిన స్టార్లు

బాలీవుడ్ తారలు జాక్వెలిన్ ఫెర్నాండెజ్, రితీష్ దేశ్‌ముఖ్‌లను PETA ఇండియా 2024లో భారతదేశపు `అత్యంత అందమైన శాఖాహార సెలబ్రిటీలు`గా ఎంపిక చేసింది. జంతు సంక్షేమంపై వారి అంకితభావానికి, కారుణ్య జీవనశైలికి నిబద్ధతకు గుర్తింపుగా ఈ గౌరవం వస్తుంది. గతంలో 2020 వరకు హాటెస్ట్ వెజిటేరియన్ సెలబ్రిటీ అవార్డు టైటిల్ విజేతలలో జీనత్ అమన్, జాకీ ష్రాఫ్, ఫాతిమా సనా షేక్, రాజ్‌కుమార్ రావు, అలియా భట్, అక్షయ్ కుమార్, భూమి పెడ్నేకర్, శ్రద్ధా కపూర్, సోనూ సూద్, మనుషి చిల్లర్, సునీల్ ఛెత్రి, అనుష్క శర్మ, కార్తీక్ ఆర్యన్, విద్యుత్ జమ్వాల్, షాహిద్ కపూర్, రేఖ, అమితాబ్ బచ్చన్ లాంటి ప్ర‌ముఖుల పేర్లు ఉన్నాయి.

జంతువుల విష‌యంలో ప్రేమ‌ను క‌న‌బ‌రిచే, శాకాహారి అయిన రితీష్ -జాక్వెలిన్ టైటిల్ గెలుచుకున్న ఈ సంవ‌త్స‌ర‌పు తారలు. జాక్వెలిన్ అన్నివిధాలుగా జంతువుల రక్షణ కోసం తన స్టార్ పవర్‌ను ఉపయోగించుకోవడంలో పేరుగాంచింది. #FreeGajraj ప్రచారం సహా అనేక విధాలుగా PETA ఇండియా పనికి మద్దతు ఇవ్వడానికి తన అభిమానులను సమీకరించింది. 50 సంవత్సరాలకు పైగా గొలుసులలో బంధించి ఉన్న ఏనుగును కాపాడింది. ఆశ్రయాల నుండి అవసరమైన కుక్కలను దత్తత తీసుకోమని, శాకాహారి ఆహారాలు తినమని, అంగోరా ఉన్ని వాడకానికి వ్యతిరేకంగా ఒక ప్రకటన ప్రచారంలో నటించమని , గుర్రపు బండిలకు దూరంగా ఉండమని ప్రజలను కోరింది.

అదే సమయంలో రితేష్ శాకాహారి ఆహారాన్ని ప్రోత్సహిస్తున్నాడు. అతడి భార్య జెనీలియా దేశ్‌ముఖ్‌తో కలిసి శాకాహారి మాంసం కంపెనీని కూడా స్థాపించాడు. నటన నుండి జంతు హక్కుల క్రియాశీలత వరకు, జాక్వెలిన్ ఫెర్నాండెజ్ , రితీష్ దేశ్‌ముఖ్ నిజమైన సూపర్ స్టార్‌లుగా నిరూపితుల‌య్యారు అని PETA ఇండియా సెలబ్రిటీ అండ్ పబ్లిక్ రిలేషన్స్ వైస్ ప్రెసిడెంట్ చెప్పారు.

జాక్వెలిన్ తదుపరి వెల్‌కమ్ టు ది జంగిల్‌లో కనిపిస్తుంది. అహ్మద్ ఖాన్ దర్శకత్వం వహించిన ఈ చిత్రం 20 డిసెంబర్ 2024న థియేటర్లలోకి రానుంది. ఈ చిత్రంలో అక్షయ్ కుమార్, దిశా పటానీ, రవీనా టాండన్, లారా దత్తా, అర్షద్ వార్సీ, శ్రేయాస్ తల్పాడే, సునీల్ శెట్టి, జానీ లివర్, కికు తదితరులు కూడా నటించారు. ఈ చిత్రం హిట్ ఫ్రాంచైజీ వెల్‌కమ్‌లో మూడవ భాగం. వెల్‌కమ్ బ్యాక్ పేరుతో రెండో భాగం 2015లో విడుదలైంది.