బుట్ట బొమ్మ విషయంలో మరీ ఇంత అన్యాయమా..?

నిన్నటి దాకా ఆ హీరోయిన్ వెంట దర్శక నిర్మాతలు క్యూ కట్టారు. ఆ హీరోయిన్ ఉంటే సినిమాలో గ్లామర్ విషయంలో డౌటే లేదని అనుకున్నారు. అమ్మడు కోటి కాదు రెండు కోట్లు అన్నా కాదనకుండా ఇచ్చారు. స్టార్ సినిమాలతో సందడి సందడిగా ఆమె కెరీర్ ఉండగా సడెన్ గా వరుస ఫ్లాపులు పలకరించాయి అంతే ఆమె కెరీర్ ని తలకిందులు చేశాయి. ఇంతకీ ఎవరా ముద్దుగుమ్మా అంటే బుట్ట బొమ్మ పూజా హెగ్దే అని తెలుస్తుంది. కెరీర్ మొదట్లో కాస్త ఇబ్బంది పడిన ఈ అమ్మడు డీజే సినిమా నుంచి వెనక్కి తిరిగి చూడలేదు.

సినిమా వెంట సినిమా స్టార్స్ అందరినీ ఒక చుట్టేసిన పూజా బేబీ గత మూడేళ్లలో సినిమాలైతే చేసింది కానీ వాటి ఫలితాలు నిరాశపరిచాయి. ఆ ఫలితాల వల్ల అమ్మడి కెరీర్ గ్రాఫ్ పడిపోయింది. సో అలా ఆమె లైఫే మారిపోయింది. చివరగా ఆమె బ్యాడ్ లక్ ఏంటంటే గుంటూరు కారం సినిమా నుంచి కూడా పరిస్థితులు తప్పుకునేలా చేశాయి. అలా సినిమాలన్నీ చేజారగా పూజా టాలీవుడ్ కి దూరమైంది.

ప్రస్తుతం ఆమెకు ఒక్కటంటే ఒక్క ఛాన్స్ కూడా ఇవ్వడానికి దర్శక నిర్మాతలు వెనకడుగు వేస్తున్నారు. ఒకప్పుడు వావ్ అన్న వారే ఇప్పుడు సారీ అనేస్తున్నారు. రెమ్యునరేషన్ తగ్గించినా.. సినిమాల్లో గ్లామర్ షో చేస్తానన్నా పూజా వంక చూడట్లేదు. అయితే స్టార్ సినిమాలేమో కానీ మాస్ మహారాజ్ రవితేజ సినిమాలో పూజా హీరోయిన్ గా నటిస్తుందని ప్రచారం జరిగింది. కానీ ఇప్పుడు ఆ ఛాన్స్ కూడా కన్నడ భామ రుక్మిణి వసంత్ కి ఇచ్చారని తెలుస్తుంది.

బిగ్ స్టార్స్ ఛాన్స్ లు ఇవ్వకపోయినా తనకున్న ఈ క్రేజ్ తో టైర్ 2 హీరోలైనా ఛాన్స్ లు ఇస్తారని భావించిన పూజాకి పెద్ద షాకే తగిలింది. నిజంగానే పూజా హెగ్దేకి తెలుగులో అంత మార్కెట్ పడిపోయిందా అంటే కాదు కానీ గత చిత్రాలు ఆమెకు ఫెయిల్యూర్ అందించాయి కాబట్టి మన వాళ్లు అంతగా ఆసక్తి చూపట్లేదని తెలుస్తుంది. ఎవరైనా రిస్క్ తీసుకుని చేసి హిట్ పడితే మాత్రం మళ్లీ అమ్మడి తో సినిమాలు చేసేందుకు రెడీ అంటారు. ప్రస్తుతం పూజా తో ఆ రిస్క్ తీసుకునే హీరో ఎవరన్నది తెలియాల్సి ఉంది. సినీ పరిశ్రమలో వరుస హిట్లు పడితే ఎంత అందలం ఎక్కిస్తారో ఫ్లాపులు వస్తే అదే రేంజ్ లో దూరం పెడతారని పూజా హెగ్దేతో మరోసారి ప్రూవ్ అయ్యింది.