జై హనుమాన్ సీక్వెల్.. ఈసారి ట్విస్టెంమిటంటే..

హనుమాన్ సినిమాతో ప్రశాంత్ వర్మ ఈ ఏడాది టాలీవుడ్ నుంచి ఫస్ట్ బ్లాక్ బస్టర్ హిట్ కొట్టాడు. అలాగే ఇండియాలో సూపర్ హీరో అంటే ఇప్పటి వరకు క్రిష్ సిరీస్ మాత్రమే. అయితే ఇండియన్ మైథాలజీ ఎడాప్షన్ తో అద్భుతమైన సూపర్ హీరో మూవీస్ చేయవచ్చని హనుమాన్ ద్వారా ప్రూవ్ చేశాడు. భవిష్యత్తులో రాబోయే సూపర్ హీరో చిత్రాలకి హనుమాన్ ఒక రూట్ అనే మాట ఇప్పుడు ఇండస్ట్రీ సర్కిల్ లో వినిపిస్తోంది.

ఇదిలా ఉంటే హనుమాన్ కి సీక్వెల్ గా జై హనుమాన్ ఉంటుందని ప్రశాంత్ వర్మ ప్రకటించారు. హనుమాన్ క్లైమాక్స్ లో కూడా లీడ్ ఇచ్చాడు. ఈ సినిమా హనుమాన్ కంటే చాలా పెద్ద ప్రాజెక్ట్ అని చెప్పుకొచ్చాడు. అలాగే ఈ మూవీ స్టార్ హీరో ఆంజనేయుడి పాత్రలో నటిస్తాడని తాజాగా మీడియాతో చెప్పాడు. అలాగే తేజా సజ్జా పోషించిన హనుమాన్ క్యారెక్టర్ కూడా ఆ మూవీలో ఉంటుందని స్పష్టం చేశాడు.

అంతకంటే ముందుగా రెండు సూపర్ హీరో చిత్రాలు చేయనున్నట్లు తెలిపాడు. అందులో అధీరా ముందుగా ప్రారంభం అవుతుందని క్లారిటీ ఇచ్చాడు. డివివి దానయ్య కొడుకుతో ఈ మూవీని ప్రశాంత్ వర్మ చేస్తున్నాడు. ఏడాది క్రితమే స్టార్ట్ చేసి పోస్టర్ కూడా రిలీజ్ చేశాడు. ఇంద్రుడి వజ్రాయుధం నేపథ్యంలో ఈ కథ ఉంటుందని తెలుస్తోంది.

దీని తర్వాత మహాకాళి టైటిల్ తో సూపర్ విమెన్ మూవీ చేయనున్నాడంట. అయితే ఈ సినిమాలో ఎవరు టైటిల్ రోల్ పోషిస్తారనేది మాత్రం ప్రశాంత్ వర్మ క్లారిటీ ఇవ్వలేదు. దీనికి సంబందించిన కథ కూడా సిద్ధం చేసాడంట. ఈ రెండు కంప్లీట్ అయిన తర్వాత జై హనుమాన్ మూవీ భారీ కాన్వాస్ పై ఉంటుందని తెలిపాడు. అయితే ఈ జై హనుమాన్ మూవీలో ప్రశాంత్ వర్మ హనుమాన్ పాత్ర కోసం ఏ స్టార్ హీరోని రంగంలోకి దించుతాడు అనేది ఇప్పుడు ఆసక్తికరంగా మారింది.

ఎవరిని దించిన కచ్చితంగా హనుమాన్ పాత్రకి సరిపోయే కటౌట్ అయ్యి ఉండాల్సిందే. అలాగే సూపర్ అలాగే హై వోల్టేజ్ కంటెంట్ ని మూవీలో రిప్రజెంట్ చేయాలి. అలా జరిగితే మాత్రం ఇండియన్ బాక్సాఫీస్ ని షేక్ చేసే ప్రాజెక్ట్ గా జై హనుమాన్ అయ్యే అవకాశం ఉందని సినీ విశ్లేషకులు అంటున్నారు.