పాండ్యా కొత్త గాళ్‌ఫ్రెండ్ బ్యాక్‌గ్రౌండ్

టీమిండియా క్రికెటర్ హార్దిక్ పాండ్యా బ్రిటీష్ గాయ‌ని జాస్మిన్ వాలియాతో డేటింగ్ లో ఉన్నాడంటూ ప్ర‌చారం సాగుతున్న సంగ‌తి తెలిసిందే. అయితే భార్య‌ న‌టాషా స్టాంకోవిక్ నుంచి విడిపోయేంత‌గా ఈ అమ్మ‌డిలో ఏం ఉంది? అంటూ అభిమానులు ఆరాలు తీస్తున్నారు. అయితే జాస్మిన్ బ్యాక్ గ్రౌండ్ గురించి వింటుంటే షాక్ తిన‌కుండా ఉండ‌లేరు ఎవ‌రైనా!

జాస్మిన్ వాలియా బ్రిట‌న్‌లో సుప్ర‌సిద్ధ గాయ‌ని. సంగీత పరిశ్రమలో సోషల్ మీడియాలో వేవ్స్ సృష్టిస్తోంది స‌ద‌రు గాయ‌ని. జాస్మిన్ కేవ‌లం గాయ‌ని మాత్ర‌మే కాదు.. టెలివిజన్ ప‌ర్స‌నాలిటీ కూడా. జాస్మిన్ - హార్దిక్ తమ సోషల్ మీడియా ఇంటరాక్షన్‌లతో డేటింగ్ పుకార్లకు ఆజ్యం పోస్తున్నారు. గ్రీస్‌లో కలిసి విహారయాత్రకు వెళ్లారని రెడ్డిట‌ర్లు చెబుతున్నారు.

ఇంగ్లండ్‌లోని ఎసెక్స్‌లో భారతీయ సంతతికి చెందిన తల్లిదండ్రులకు జన్మించిన జాస్మిన్ బ్రిటీష్ రియాలిటీ టీవీ సిరీస్, ది ఓన్లీ వే ఈజ్ ఎసెక్స్ (TOWIE)లో పాల్గొన్న తర్వాత ప్రజల్లో విప‌రీత‌మైన ఫాలోయింగ్ సంపాదించింది. 2010లో షోలో ఎక్స్‌ట్రాగా ప్రారంభించింది.. కానీ వేగంగా తనదైన ముద్ర వేసింది. 2012 నాటికి పూర్తి తారాగణం లో సభ్యురాలిగా స్థానం సంపాదించుకుంది. పాపుల‌ర్‌ రియాలిటీ షోలో ఈ ఎక్స్‌పోజర్ వినోద పరిశ్రమలో తన గుర్తింపును పెంచుకోవడంలో త‌న‌కు సహాయపడింది. సృజనాత్మక మార్గాల్లో ఎదిగేందుకు జాస్మిన్‌కి అవ‌కాశం ద‌క్కింది. ముఖ్యంగా సంగీత ప్ర‌పంచంలో ఈ భామకు అసాధార‌ణ గుర్తింపు ద‌క్కడానికి కార‌ణ‌మైంది.

2014లో జాస్మిన్ తన యూట్యూబ్ ఛానెల్‌ని ప్రారంభించింది. ఈ వేదిక‌పై జాక్ నైట్, ఇంటెన్స్-టి, ఒల్లీ గ్రీన్ మ్యూజిక్ వంటి కళాకారులతో కలిసి పాపుల‌ర్ పాటలను క‌వ‌ర్ చేస్తూ గాయ‌నిగా ప్రతిభను ప్రదర్శించింది. 2017లో జాక్ నైట్‌తో కలిసి ఆమె ప్రదర్శించిన సింగిల్ 'బామ్ డిగ్గీ' విడుదలతో గొప్ప‌ పురోగతిని సాధించింది. 2018లో బాలీవుడ్ చిత్రం 'సోను కే టిటు కి స్వీటీ' కోసం జాక్ నైట్ దీనిని 'బోమ్ డిగ్గీ డిగ్గీ'గా రీమేక్ చేసినప్పుడు ఈ పాట‌కు ప్రజాదరణ మరింత పెరిగింది. 2022 మ్యూజిక్ వీడియో 'నైట్స్ ఎన్ ఫైట్స్'లో బిగ్ బాస్ 13 ఫైనలిస్ట్ అసిమ్ రియాజ్‌తో కలిసి పనిచేసింది. వారి ఆన్-స్క్రీన్ కెమిస్ట్రీకి మంచి ఆదరణ లభించింది. టైమ్స్ స్క్వేర్ బిల్‌బోర్డ్‌లోని ఫీచర్ వీడియోతో జాస్మిన్ అంతర్జాతీయ దృష్టిని ఆకర్షించింది.

సోష‌ల్ మీడియాల్లో జాస్మిన్ కి భారీ అనుచ‌రులున్నారు. 6.4 లక్షల మంది ఇన్‌స్టాగ్రామ్ ఫాలోవర్లు , దాదాపు 5.7 లక్షల యూట్యూబ్ సబ్‌స్క్రైబర్‌లతో జాస్మిన్ తన అద్భుతమైన సంగీతం, బోల్డ్ ఫ్యాషన్ స్టేట్‌మెంట్‌లు , హాట్ బికినీ షోల‌తో హీటెక్కిస్తోంది. జాస్మిన్ శైలి, ఆన్‌లైన్ ఉనికి అత్యంత ప్రజాదరణ పొందిన ప్రభావశీలుర‌లో ఒకరిగా త‌న‌ హోదాను పటిష్టం చేసింది. హార్దిక్ పాండ్యాతో ఎఫైర్ పుకార్ ఇప్పుడు మ‌రింత‌గా పాపుల‌ర్ చేస్తోంది. కెరీర్ జ‌ర్నీతో పాటు వ్య‌క్తిగ‌త వ్య‌వ‌హారాల కార‌ణంగాను జాస్మిన్ పాపుల‌ర‌వుతోంది.

ఇదిలా ఉంటే, హార్దిక్ పాండ్యా త‌న‌ భార్య నటాసా స్టాంకోవిక్ విడిపోతున్న‌ట్టు ప్ర‌క‌టించిన త‌ర్వాత జాస్మిన్ పేరు మ‌రింత‌గా మార్మోగుతోంది. పాండ్యా సింగిల్ స్టాట‌స్ పై ఇప్పుడు అనుమానాలు రేకెత్తాయి. పాండ్యా త‌న‌ను చీట్ చేసాడు అనే అర్థం వ‌చ్చేలా న‌టాషా త‌న సోష‌ల్ మీడియాల్లో చీటింగ్ వార్త‌ల‌కు లైక్ లు కొట్ట‌డం చర్చ‌నీయాంశ‌మైంది. పాండ్యాతో జాస్మిన్ స్నేహం గురించి ఇప్పుడు ఆస‌క్తిక‌ర చ‌ర్చ సాగుతోంది.