స్టార్ హీరో కజిన్ డెబ్యూపై ప్రేయ‌సి ఎమోష‌న్‌
కానీ ఈ జంట స‌న్నిహిత బంధం, ఔటింగులు వ‌గైరా విష‌యాలు బ‌య‌టి ప్ర‌పంచానికి తెలుసు.
ఆమె ప్ర‌ముఖ హీరో గాళ్ ఫ్రెండ్. ఆ ఇద్ద‌రూ కొంత‌కాలంగా డేటింగ్ చేస్తున్నారు. పెళ్లెప్పుడు అని అడిగితే తేదీ చెప్ప‌దు. కానీ ఈ జంట స‌న్నిహిత బంధం, ఔటింగులు వ‌గైరా విష‌యాలు బ‌య‌టి ప్ర‌పంచానికి తెలుసు. ఇప్పుడు స‌ద‌రు స్టార్ హీరో కజిన్ సిస్ట‌ర్ వెండితెర‌కు ప‌రిచ‌య‌మ‌వుతుంటే ప్రియురాలైన ఆమె ఎంతో ఎమోష‌న‌ల్ అయ్యారు. స‌ద‌రు యువ‌నాయిక‌ను ప్రోత్సహిస్తూ వీడియోను షేర్ చేసారు. ఇదంతా హృతిక్ రోషన్- సబా ఆజాద్ జంట గురించే. డెబ్యూ న‌టి పష్మీనా గురించి..!
హృతిక్ రోషన్ కజిన్.. రాజేష్ రోషన్ కుమార్తె పష్మీనా రోషన్ `ఇష్క్ విష్క్ రీబౌండ్` చిత్రంతో బాలీవుడ్‌లోకి అడుగుపెట్టనుంది. బాలీవుడ్‌లో షాహిద్ కపూర్ అరంగేట్ర చిత్రం `ఇష్క్ విష్క్`(2003) సీక్వెల్ ఈ సంవత్సరం విడుదలయ్యే అత్యంత ఆసక్తికరమైన ప్రాజెక్ట్‌లలో ఒకటి. ఈ సినిమా రిలీజ్ డేట్ అనౌన్స్‌మెంట్ వీడియోను ఈరోజు ఆవిష్కరించారు. అభిమానుల నుంచి `థమ్స్ అప్ ద‌క్క‌డం విశేషం. ఇప్పుడు హృతిక్ స్నేహితురాలు సబా ఆజాద్ కూడా పష్మీనాకు మద్దతుగా నిలిచింది.
సబా ఆజాద్ ఇన్‌స్టాగ్రామ్ స్టోరీస్‌లో.. పష్మీనా రోషన్ నటించిన `ఇష్క్ విష్క్ రీబౌండ్` విడుదల తేదీ ప్రకటన వీడియోను షేర్ చేసారు. త‌న బంధువు ఆరంగేట్రాన్ని ప్రోత్సహిస్తూ ఇలా రాసింది, ``మా పషూకి షియీయినీకి దాదాపు సమయం ఆసన్నమైంది`` అని రాసింది. దాంతో పాటు రెడ్ హార్ట్ ఎమోజీలు స్మైల్ ఎమోజీలను షేర్ చేసింది. ``నా లిల్ కట్లెట్ వేచి ఉండలేను`` అని వ్యాఖ్య‌ను జోడించింది.
ఇష్క్ విష్క్ రీబౌండ్ విడుదల తేదీ
పష్మీనా రోషన్‌తో పాటు ఇష్క్ విష్క్ రీబౌండ్‌లో రోహిత్ సరాఫ్, జిబ్రాన్ ఖాన్,నైలా గ్రేవాల్ త‌దిత‌రులు నటించారు. నిపున్ అవినాష్ ధర్మాధికారి దర్శకత్వం వహించారు. రమేష్ తౌరానీ- జయ తౌరాని నిర్మించారు. ఈ చిత్రం 28 జూన్ 2024న విడుదల కానుంది.