బాలయ్య ముందు తొడ కొట్టిన యంగ్‌ హీరో!
అలాంటి బాలయ్య ముందు దుల్కర్ సల్మాన్ తొడ కొట్టిన ఫోటోలు ప్రస్తుతం సోషల్‌ మీడియాలో వైరల్‌ అవుతున్నాయి.
నందమూరి బాలకృష్ణ హోస్ట్‌గా ఆహా ఓటీటీలో స్ట్రీమింగ్‌ అవుతున్న టాక్ షో 'అన్‌స్టాపబుల్‌' సీజన్ 4 నడుస్తోంది. చంద్రబాబు నాయుడు ఎపిసోడ్‌ తో ప్రారంభం అయిన సీజన్ 4లో సెకండ్‌ ఎపిసోడ్‌ కోసం మలయాళ స్టార్‌ నటుడు దుల్కర్ సల్మాన్ హాజరు అయ్యారు. ఇప్పటికే షూటింగ్‌ పూర్తి చేసిన ఆ ఎపిసోడ్‌ నుంచి తాజాగా కొన్ని స్టిల్స్‌ని విడుదల చేయడం జరిగింది. ఈవారంలో దుల్కర్ సల్మాన్ నటించిన 'లక్కీ భాస్కర్‌' సినిమా విడుదల అవ్వబోతుంది. ఆ సినిమా ప్రమోషన్‌లో భాగంగా అన్‌ స్టాపబుల్‌ షో లో దుల్కర్ సల్మాన్‌తో పాటు దర్శకుడు వెంకీ అట్లూరి, హీరోయిన్‌ మీనాక్షి చౌదరి పాల్గొన్నారు. ఎపిసోడ్‌ కి సంబంధించిన పోటోలు వైరల్‌ అవుతున్నాయి.
ఎపిసోడ్‌లో భాగంగా బాలకృష్ణ తొడ కొట్టుడు గురించి టాపిక్‌ వచ్చిందట. దాంతో బాలయ్య తో పాటు సరదాగా దర్శకుడు వెంకీ అట్లూరి, హీరో దుల్కర్ సల్మాన్‌లు సైతం తొడ కొట్టారు. తొడ కొట్టడం అనగానే బాలయ్య గుర్తుకు వస్తారు. అలాంటి బాలయ్య ముందు దుల్కర్ సల్మాన్ తొడ కొట్టిన ఫోటోలు ప్రస్తుతం సోషల్‌ మీడియాలో వైరల్‌ అవుతున్నాయి. బాలకృష్ణ టాక్ షో కి దుల్కర్ సల్మాన్ రావడం కచ్చితంగా ప్రేక్షకులకు మంచి వినోదాన్ని పంచే అవకాశాలు ఉన్నాయి. భారీ అంచనాలున్న లక్కీ భాస్కర్‌ సినిమాకు అన్‌స్టాపబుల్‌ షో ప్రమోషన్ మరింత అంచనాలు పెంచవచ్చు అనే అభిప్రాయం వ్యక్తం అవుతోంది. సినిమాకు సంబంధించిన ప్రమోషన్‌లో భాగంగా దుల్కర్ సల్మాన్ గత వారం రోజులుగా హైదరాబాద్‌లోనే పలు మీడియా సమావేశాల్లో, ఇంటర్వ్యూల్లో పాల్గొంటూ ఉన్నాడు.
బాలకృష్ణ అన్‌స్టాపబుల్‌ సీజన్ 4 మొదటి ఎపిసోడ్‌కి ఎప్పటిలాగే మంచి స్పందన వచ్చింది. ఏపీ సీఎం చంద్రబాబు నాయుడు ఈ ఎపిసోడ్‌ లో పాల్గొనడం వల్ల అందరి దృష్టిని ఆకర్షించారు. చంద్రబాబు నాయుడు గురించిన పలు పర్సనల్‌ విషయాలతో పాటు, రాజకీయ విషయాల గురించి ప్రశ్నించి సమాధానాలు రాబట్టారు. బావ, బామర్ధి సరదా ముచ్చట్లు సైతం ప్రేక్షకులను అలరించాయి. సీజన్ 4 కి మంచి స్టార్ట్ లభించింది అని విశ్లేషకులు అభిప్రాయం వ్యక్తం చేస్తున్నారు. ఈ సీజన్ మొత్తం ప్రముఖ స్టార్స్ తో ఎపిసోడ్స్ ఉండబోతున్నాయి. రెండో ఎపిసోడ్‌ లక్కీ భాస్కర్‌ తో ఉండనుండగా, తదుపరి ఎపిసోడ్‌లో తమిళ్‌ స్టార్‌ సూర్య కంగువా కోసం పాల్గొనబోతున్నాడు.
ఇటీవలే సూర్య కి సంబంధించిన ఎపిసోడ్‌ సైతం షూటింగ్‌ జరిగింది. కంగువా సినిమా ప్రమోషన్‌లో భాగంగా బాలకృష్ణ అన్‌స్టాపబుల్‌ షో లో సూర్య పాల్గొన్నాడని ఇప్పటికే ఆహా టీం అధికారికంగా ప్రకటన చేసింది. తెలుగు టాక్ షోల్లో చాలా స్పెషల్‌ టాక్ షో గా అన్‌ స్టాపబుల్‌ గత మూడు సీజన్‌లు నిలచాయి. నాలుగో సీజన్ సైతం ఏమాత్రం తగ్గకుండా అలాగే ఉంటుందని అంటున్నారు. అయితే ఈసారి ఎక్కువగా సినిమా ప్రమోషన్ ఎపిసోడ్స్ పడటం ఏమాత్రం బాగాలేదు అనే అభిప్రాయం వ్యక్తం అవుతోంది. త్వరలోనే పుష్ప 2 కోసం అల్లు అర్జున్‌, సుకుమార్‌, రష్మిక మందన్నలు అన్‌ స్టాపబుల్‌ షో కి వచ్చే అవకాశాలు ఉన్నాయనే వార్తలు వస్తున్నాయి.