ఒకే ఫ్రేమ్ లో మెగాబంధం..ఇదో అద్భుతం!

మెగాబ్ర‌ద‌ర్స్ ముగ్గురు క‌ల‌వ‌డం అన్న‌దే చాలా రేర్. చిరంజీవి..నాగ‌బాబు తోబుట్టువుల‌తో ఎక్కువ‌గా క‌నిపిస్తారు గానీ..ప‌వ‌న్ క‌ళ్యాణ్ మాత్రం పెద్ద‌గా క‌నిపించ‌రు. ఆయ‌న వ్య‌క్తిగ‌త జీవితానికి సంబంధించిన ఫోటోలు కూడా పెద్ద‌గా బ‌య‌ట‌కు రావు .ఒక‌వేళ తోబుట్టువుల‌తో రెగ్యుల‌ర్ గా ట‌చ్ లో ఉన్నా! మీడియాలో హైలైట్ అయింది పెద్ద‌గా లేదు. తాజాగా వ‌రుణ్ తేజ్-లావ‌ణ్య త్రిపాఠి పెళ్లి సంద‌ర్భంగా మెగా ఫ్యామిలీ అంతా ఇట‌లీకి వెళ్లిన సంగ‌తి తెలిసిందే.

ఈ పెళ్లికి ఏ ఒక్క‌రూ మిస్ కాలేదు. చిరంజీవి..ప‌వ‌న్ క‌ళ్యాణ్ లు స‌తీస‌మేతంగా హాజ‌ర‌య్యారు. మెగా అక్క‌చెల్లెమ్మ‌లు కూడా ఏ ఒక్కరూ మిస్ కాలేదు. అంతా హాజ‌రైన కొత్త దంపతుల్ని ఆశీర్వ‌దించారు. తాజాగా ఓ రేర్ పిక్ ఇప్పుడు నెట్టింట వైర‌ల్ గా మారింది. ఒకే ప్రేమ్ లో ముగ్గురు మెగాబ్ర‌ద‌ర్స్...వారి భార్య‌లు..అక్క చెల్లెమ్మ‌లు..వారి భ‌ర్త‌లు గ్రూప్ ఫోటో దిగారు. ఇది ఎంతో ఆహ్లాద‌క‌ర‌మైన అద్భుత‌మైన క్ష‌ణం అనొచ్చు.

ఇలా ఫ్యామిలీ అంతా క‌లిసింది చాలా రోజుల‌వుతుంది. చిరంజీవి..సురేఖ ల‌ప‌క్క‌న తోటి కోడ‌లు అన్నాలెజ్నేవా కూర్చున్నారు. చిరంజీవికి ఎడ‌మ‌వైపుగా ఆయ‌న మ‌ర‌ద‌లు ప‌ద్మ‌జ కొణిదెల కూర్చున్నారు. ఇలా న‌లుగురు సోఫోలో కూర్చోగా..వెనుక నాగ‌బాబు.. ప‌వ‌న్ క‌ళ్యాణ్‌...చిరంజీవి సోద‌రీమ‌ణులు నుంచుని ఉన్నారు. ఈ పిక్ లో అన్నాలెజ్నేవా ఎక్కువ‌గా హైలైట్ అవుతున్నారు. ప‌వ‌న్ క‌ళ్యాణ్ ని వివాహం చేసుకున్న త‌ర్వాత అన్నా లెజ్నేవా చాలాసార్లు మెగా కుటుంబంతో కనిపించారు.

కానీ ఇలా ఓ వేడుక‌లో క‌నిపించ‌డం మాత్రం ఇదే తొలిసారి. అన్నా లెజ్నేవా సంప్ర‌దాయ చీరందంలో క‌నిపిస్తున్నారు. చిల‌కాకు ప‌చ్చ చీర చిరంజీవి ధ‌రించిన ష‌ర్టు రంగుకి స‌రిగ్గా మ్యాచ్ అవుతుంది. అలాగే సురేఖ కూడా అదే రంగు ప‌ట్టు చీర‌లో క‌నిపిస్తున్నారు. ప్ర‌స్తుతం ఈ ఫోటో అంత‌ర్జాలంలో వైర‌ల్ అవుతుంది. మెగా ఫ్యామిలీ మొత్తాన్ని ఒకేచోట క‌నిపించ‌డంతో అభిమానుల ఆనందానికి అవ‌దుల్లేవ్.