మోక్షజ్ఞ సినిమాతో మరో నారా వారసుడి ఎంట్రీ

నందమూరి నటసింహం బాలకృష్ణ వారసుడు మోక్షజ్ఞ ఎంట్రీ కోసం అభిమానులు ఎప్పటినుంచో ఈగర్​గా వెయిట్ చేస్తున్న సంగతి తెలిసిందే. మోక్షజ్ఞ ఎంట్రీపై రోజుకో వార్త నెట్టింట్లో వస్తూనే ఉంటుంది. తాజాగా మరో ఆసక్తి కరమైన వార్త సోషల్​మీడియాలో వైరల్ గా మారింది. మోక్షజ్ఞ సినిమాతో మరో నారా వారసుడు ఎంట్రీ ఇవ్వబోతున్నట్లు ప్రచారం తెరపైకి వచ్చింది.

బోయపాటి శ్రీను దర్శకత్వంలో మోక్షజ్ఞ ఎంట్రీ ఇవ్వనున్నారని ఎప్పటినుంచో ప్రచారం సాగుతోంది. ఈ మధ్యలో మోక్షజ్ఞ స్లిమ్ అండ్ హ్యాండ్సమ్ లుక్ లోకి మారిన పిక్స్​ కూడా వైరల్​ అయ్యాయి. ఈ లుక్ సినిమా కోసమేనని అభిమానులు అంతా మాట్లాడుకున్నారు. ఇక ఈ సినిమాలో శ్రీలీలను ఫిక్స్ చేశారనే వార్తలు కూడా ఆ మధ్యలో వచ్చాయి. బాలయ్యనే.. మోక్షజ్ఞకు శ్రీలీల అయితేనే సరిజోడి అని సెలెక్ట్ చేశారని అంతా అన్నారు.

ఈ క్రమంలోనే ఇప్పుడు మరో నారా వారసుడు కూడా ఈ చిత్రంతో ఎంట్రీ ఇస్తారని చెబుతున్నారు. అతడు మరెవరో ఆంధ్ర ప్రదేశ్ మాజీ ముఖ్యమంత్రి నారా చంద్రబాబు నాయుడి మనవడు దేవాన్ష్. నారా బ్రహ్మిణి, నారా లోకేష్​ల ముద్దుల కుమారుడు దేవాన్ష్.. మోక్షజ్ఞ సినిమాలో నటించనున్నట్లు జోరుగా ప్రచారం సాగుతోంది. ఈ సినిమాలో మోక్షజ్ఞ చిన్నప్పటి పాత్రలో దేవాన్ష్ కనిపించనున్నారని టాక్ వినిపిస్తోంది. ఇక ఈ వార్త విన్న నందమూరి అభిమానులు తెగ సంబరపడితున్నారు. సిల్వర్​ స్క్రీన్​పై ఒకేసారి ఇద్దరు వారసులు ఎంట్రీ ఇస్తున్నారని తెలియనుండడంతో మురిసిపోతున్నారు.

ఇకపోతే నారాబ్రహ్మిణికి సినిమాలు అంటే పెద్దగా ఇష్టం ఉండదని అప్పట్లో అనేవారు. కానీ ఇప్పుడు తమ్ముడి కోసం... కొడుకును సినిమాల్లోకి పంపిస్తోందని తెలుస్తోంది. అయితే వార్తల్లో నిజమెంతో తెలీదు కానీ.. దీనిపై ఓ క్లారిటీ రావాలంటే అధికారిక ప్రకటన వచ్చే వరకు వేచి ఉండాల్సిందే.

కాగా, గతంలో మోక్షజ్ఞ ఎంట్రీపై బాలయ్య స్పందించిన సంగతి తెలిసిందే. అమెరికాలో తానా సభలకు హాజరైన బాలయ్య.. అక్కడ మీడియాతో మోక్షజ్ఞ ఎంట్రీపై మాట్లాడారు. ఆంధ్రప్రదేశ్ ఎన్నికల తర్వాత మోక్షజ్ఞ ఎంట్రీపై దృష్టి పెట్టనున్నట్లు బాలయ్య స్పష్టత ఇచ్చారు. చూడాలి మరి ఇక బాలయ్య వారసుడు-నారా వారసకుడు కలిసి ఎంట్రీ ఎప్పుడు ఇస్తారో..