టాలీవుడ్ నేచురల్ స్టార్ నాని పుట్టినరోజు సందర్భంగా నేడు అతని సినిమాలకు సంబంధించిన అప్డేట్స్ ఫ్యాన్స్ కి మంచి కిక్ అయితే ఇస్తున్నాయి. అలాగే నిన్నా మొన్నటివరకు సస్పెన్స్ లో ఉన్న ప్రాజెక్టులపై కూడా అఫీషియల్ క్లారిటీలు వచ్చేశాయి. నాని ప్రస్తుతం సరిపోదా శనివారం.. అనే సినిమాతో బిజీగా ఉన్న విషయం తెలిసిందే. ఆ సినిమా షూటింగ్ దాదాపు ఫినిష్ అయ్యింది. నేడు విడుదలైన గ్లింప్స్ కూడా బాగానే ఆకట్టుకుంది.
ఇక నాని లిస్టులో దర్శకుల లైన్ గట్టిగానే ఉంది. బలగం డైరెక్టర్ వేణుతో ఒక సినిమా చేయబోతున్నట్లు ఇదివరకే టాక్ రాగా నేడు పుట్టినరోజు సందర్భంగా ఆ కాంబినేషన్ పై కూడా క్లారిటీ వచ్చేసింది. నిర్మాత శిరీష్ తో కలిసి నాని డైరెక్టర్ వేణుని కలిశారు. వారి కలయికలో వచ్చే సినిమాకు ఎల్లమ్మ అనే టైటిల్ అనుకుంటున్నారు. 1980 తెలంగాణ బ్యాక్ డ్రాప్ లో సినిమా ఉండబోతోందట.
ఇక పవర్ స్టార్ పవన్ కళ్యాణ్ తో OG సినిమా చేస్తున్న మరో దర్శకుడు సుజిత్ కూడా నాని తో సినినా చేయబోతున్నాడు. వీరి కలయికపై ఇదివరకే చాలా రకాల వార్తలు వచ్చాయి. ఇక మొత్తానికి నేటితో ఆ కాంబినేషన్ పై కూడా క్లారిటీ వచ్చేసింది. DVV దానయ్య నిర్మాణంలోనే నాని - సుజిత్ కాంబో సెట్స్ పైకి రానుంది.
అఫీషియల్ గా రిలీజ్ చేసిన మోషన్ పోస్టర్ లో వైలెంట్ గా ఉండే వ్యక్తి ఊహించని విధంగా నార్మల్ వ్యక్తిగా సైలెంట్ అయితే ఎలా వుంటుంది అనే కాన్సెప్ట్ తో సినిమా ఉంటుందని తెలుస్తోంది. నాని 32వ ప్రాజెక్ట్ గా రానున్న ఈ సినిమాలో ఎవరెవరు నటిస్తున్నారు అనే విషయంలో ఇంకా క్లారిటీ రావాల్సి ఉంది. ఇక నాని కూడా ఈ కాంబినేషన్ పై స్పందించారు. ఇది సుజిత్ ఫిల్మ్ అంటూ.. పవర్ తరువాత.. లవర్ అని సోషల్ మీడియాలో కామెంట్ చేశారు.
ఇక ఈ సినిమా షూట్ త్వరలోనే స్టార్ట్ కావచ్చు. మరోవైపు దానయ్య ప్రొడక్షన్ లోనే సుజిత్ OG సినిమాను పూర్తి చేయాల్సి ఉంది. పవన్ ఏప్రిల్ ఎన్నికల అనంతరం త్వరగానే OG షూట్ పూర్తి చేస్తారని ఇదివరకే నిర్మాత చెప్పేశారు. మరోవైపు నాని అదే నిర్మాతతో చేస్తున్న సరిపోదా శనివారం పనులు కూడా త్వరలోనే ఫినిష్ కానున్నాయి. ఈ సినిమా ఆగస్టు 29న విడుదల కానుంది. ఇక ఏ క్షణంలో అయినా NANI32 పట్టాలు ఎక్కే ఛాన్స్ ఉంది.