పవన్ వీరమల్లు కంటే ముందు గ్యాంగ్స్టర్..!
ఇంతకు 2025 సమ్మర్‌లో పవన్ నుంచి రాబోతున్న సినిమా ఏది అంటే 'ఓజీ' అనే పేరు ఎక్కువగా వినిపిస్తోంది.
పవన్ కళ్యాణ్ ఉప ముఖ్యమంత్రిగా బాధ్యతలు చేపట్టినప్పటికీ మధ్యలో ఉన్న హరి హర వీరమల్లు, ఓజీ సినిమాల షూటింగ్స్‌ను ముగించేందుకు వీలున్నప్పుడు డేట్లు ఇస్తూ వస్తున్నారు. ఇటీవల వారం రోజులు ఓజీ కోసం, మరో వారం రోజులు హరిహర వీరమల్లు సినిమా కోసం కేటాయించి షూటింగ్‌లో పాల్గొన్న విషయం తెల్సిందే. ఈ రెండు సినిమాలు సైతం వచ్చే ఏడాది సమ్మర్‌లో విడుదల అయ్యే అవకాశాలు ఉన్నాయని తెలుస్తోంది. ఎవరికి వారు తమ సినిమాను సమ్మర్‌ కానుకగా విడుదల చేస్తామని ప్రకటించారు. ఇంతకు 2025 సమ్మర్‌లో పవన్ నుంచి రాబోతున్న సినిమా ఏది అంటే 'ఓజీ' అనే పేరు ఎక్కువగా వినిపిస్తోంది.
హరిహర వీరమల్లు సినిమాను సమ్మర్‌కు విడుదల చేయాలని నిర్ణయించుకున్నప్పటికీ షూటింగ్‌ ఆలస్యం అయ్యే అవకాశాలు ఉన్నాయి. విశ్వసనీయంగా అందుతున్న సమాచారం ప్రకారం ఓజీ సినిమా షూటింగ్‌ను ముందుగా పూర్తి చేయాలని పవన్ భావిస్తున్నారట. అదే కనుక నిజం అయితే ఓజీ సినిమా వచ్చే ఏడాది సమ్మర్‌లోనే ప్రేక్షకుల ముందుకు వచ్చే అవకాశాలు ఉన్నాయి. ఎప్పటిలాగే హరి హర వీరమల్లు సినిమా విడుదల తేదీ మళ్లీ వాయిదా పడే అవకాశాలు ఉన్నాయని సినీ వర్గాల్లో ప్రచారం జరుగుతోంది. ఓజీ సినిమా విడుదల అయిన కొన్ని నెలల తర్వాత వీరమల్లు వచ్చే అవకాశాలు ఉన్నాయని తెలుస్తోంది.
ఇప్పటికే హరి హర వీరమల్లు సినిమాను రెండు పార్ట్‌లుగా విడుదల చేయబోతున్నారనే ప్రకటన వచ్చింది. మొదటి పార్ట్ విడుదల తర్వాత ఓజీ ఉంటుంది, ఆ తర్వాత రెండో పార్ట్ ఉంటుందని ఇన్నాళ్లు ప్రచారం జరిగింది. కానీ హరి హర వీరమల్లు సినిమా విషయంలో చాలా ఆలస్యం జరుగుతుంది. భారీ ఎత్తున గ్రాఫిక్స్ వర్క్ చేయాల్సి ఉండటంతో పాటు, పవన్ కళ్యాణ్ కి సంబంధించిన సన్నివేశాలు ఇంకా చాలానే ఉన్నాయి. అందుకే ఓజీ - ఒరిజినల్‌ గ్యాంగ్స్టర్ సినిమాతో పవన్ ముందు ప్రేక్షకుల ముందుకు వచ్చి సర్‌ప్రైజ్ చేసే అవకాశాలు ఉన్నాయని తెలుస్తోంది.
సాహో వంటి బ్లాక్ బస్టర్ విజయం తర్వాత సుజీత్‌ దర్శకత్వంలో రూపొందుతున్న సినిమా ఓజీ. పవన్ కళ్యాణ్ ను గ్యాంగ్‌స్టర్‌గా చూడాలని ఫ్యాన్స్ కోరుకుంటూ ఉంటారు. ఫ్యాన్స్ ఎలా అయితే కోరుకుంటున్నారో అలా ఈ సినిమాలో సుజీత్‌ చూపించబోతున్నాడు అంటూ మేకర్స్‌ చెబుతున్నారు. పవన్ కళ్యాణ్ ఓజీ సినిమా బాక్సాఫీస్ వద్ద భారీ విజయాన్ని సొంతం చేసుకునే అవకాశాలు ఉన్నాయి. రికార్డ్‌ బ్రేకింగ్‌ వసూళ్లు నమోదు అయ్యే విధంగా ఓజీ ఉంటుందనే నమ్మకం వ్యక్తం అవుతోంది. ప్రియాంక అరుల్‌ మోహన్‌ హీరోయిన్‌గా నటిస్తున్న ఈ సినిమాలో బాలీవుడ్‌ స్టార్‌ ఇమ్రాన్‌ హస్మీ, శ్రియా రెడ్డి కీలక పాత్రల్లో కనిపించబోతున్నారు. తమన్‌ అందిస్తున్న సంగీతం ఈ సినిమాకు ప్రధాన ఆకర్షనగా నిలుస్తుందనే నమ్మకం వ్యక్తం అవుతోంది.