బాలయ్య వేడుకకి పవన్ కళ్యాణ్ కూడా..!
ఇటీవల మెగాస్టార్‌ చిరంజీవిని కలిసి బాలయ్య 50 ఏళ్ల ఉత్తవంకు హాజరు అవ్వాల్సిందిగా ఆహ్వానించారు.
నందమూరి బాలకృష్ణ సినిమా ఇండస్ట్రీలో అడుగు పెట్టి 50 ఏళ్ల ఉపూర్తి చేసుకున్న తరుణంలో చిత్రసీమ తరపున ఘన సన్మాన కార్యక్రమంను ఏర్పాటు చేయబోతున్నారు. సినిమా ఇండస్ట్రీకి చెందిన అన్ని విభాగాల సమన్వయంతో బాలయ్య 50 ఏళ్ల వేడుకను ఉత్సవంగా జరిపేందుకు గాను ఏర్పాట్లు జరుగుతున్నాయి. సెప్టెంబర్‌ 1న హైదరాబాద్ లో ఈ వేడుక భారీ ఎత్తున జరగబోతుంది. తెలుగు రాష్ట్రాల ముఖ్యమంత్రులు చంద్రబాబు నాయుడు, రేవంత్ రెడ్డిలతో పాటు పలువురు రాజకీయ ప్రముఖులు సినీ ప్రముఖులు హాజరు అవ్వబోతున్నారు.
ఇటీవల మెగాస్టార్‌ చిరంజీవిని కలిసి బాలయ్య 50 ఏళ్ల ఉత్సవం కు హాజరు అవ్వాల్సిందిగా ఆహ్వానించారు. అందుకు చిరు కూడా సానుకూలంగా స్పందించారు. నాగార్జున మరియు వెంకటేష్ లు కూడా ఈ వేడుకలో పాల్గొనే అవకాశాలు ఉన్నాయి. అంతే కాకుండా పలువురు యంగ్‌ స్టార్‌ హీరోలు కూడా ఈ వేడుకలో పాల్గొంటారని సమాచారం అందుతోంది. ఈ సమయంలోనే ఏపీ ఉప ముఖ్యమంత్రి, పవర్ స్టార్‌ పవన్ కళ్యాణ్ కూడా ఈ వేడుకలో పాల్గొనే అవకాశాలు ఉన్నాయనే వార్తలు మీడియా సర్కిల్స్ లో వినిపిస్తున్నాయి.
ఈ కార్యక్రమంలో పాల్గొనబోతున్న వారి జాబితా దాదాపు సిద్ధం అయ్యింది. ఒకటి రెండు రోజుల్లో ఏర్పాట్లను పూర్తి చేస్తారని తెలుస్తోంది. ఇద్దరు ముఖ్యమంత్రులతో పాటు, కేంద్ర మంత్రులు ఇంకా బాలీవుడ్‌ స్టార్స్ ఈ కార్యక్రమంలో పాల్గొనబోతున్న నేపథ్యంలో భారీ ఎత్తున భద్రత ఏర్పాట్లు చేసే విధంగా చర్యలు తీసుకుంటున్నారట. పవన్ కళ్యాణ్ హాజరు అవ్వబోతున్నారు అంటూ వస్తున్న వార్తల నేపథ్యంలో వేడుక మరింత అట్టహాసంగా జరిగే అవకాశాలు ఉన్నాయి అంటూ ఇండస్ట్రీ వర్గాల్లో మరియు మీడియా సర్కిల్స్ లో ప్రచారం జరుగుతోంది.
నందమూరి బాలకృష్ణ ఇండస్ట్రీలో అడుగు పెట్టి 50 ఏళ్లు పూర్తి చేసుకోవడం మాత్రమే కాకుండా ఇంకా హీరోగా వరుసగా సినిమాలు చేస్తూ ఉన్నాడు. అంతే కాకుండా ఆ సినిమాలు మంచి విజయాలను సొంతం చేసుకుంటున్నాయి. అఖండ, వీర సింహారెడ్డి మరియు భగవంత్‌ కేసరి సినిమాలతో బ్యాక్ టు బ్యాక్ భారీ విజయాలను సొంతం చేసుకున్న బాలయ్య ప్రస్తుతం బాబీ దర్శకత్వంలో ఒక సినిమాను చేస్తున్నాడు. ఆ సినిమా షూటింగ్‌ ముగింపు దశకు చేరుకుందని, డిసెంబర్ లో లేదా జనవరి లో సినిమా ఉంటుందని సమాచారం అందుతోంది.