'వ్యూహం'లో జ‌న‌సేనాని దించేసాడుగా!

వ‌ర్మ అంటే ప‌వ‌న్ అభిమానుల‌ కు ప‌డ‌దు. ప‌వ‌న్ అభిమానులంటే వ‌ర్మ‌కి ప‌డ‌దు. సోష‌ల్ మీడియా లో ఒక‌ర్ని ఒక‌రు దూషించుకోవ‌డం ప‌రిపాటే. మ‌ధ్య‌లో వ‌ర్మ‌కి మ‌ద్ద‌తుగా నిలిచే కొన్ని పాత్ర‌లు సోష‌ల్ మీడియా లో వీడియోల రూపంలో అలా వ‌చ్చి వెళ్లిపోతుంటాయి. అప్పుడ‌ప్పుడు వ‌ర్మ తీరు పై మెగా బ్ర‌ద‌ర్ నాగ‌బాబు కూడా త‌న‌దైన శైలి లో విరుచుకుపుడుతుంటారు. అయినా స‌రే వ‌ర్మ ...ప‌వ‌న్ వెంటాడుతూనే ఉంటారు అన్న‌ది వాస్త‌వం.

కొన్ని రోజులుగా వ‌ర్మ 'వ్యూహం' సినిమా లో పాత్ర‌ల్ని ప‌రిచ‌యం చేస్తోన్న సంగ‌తి తెలిసిందే. జగన్ పాత్ర ను దక్షిణాది నటుడు అజ్మల్ అమీర్ పోషిస్తుండగా.. వైఎస్ భారతి పాత్ర లో మానస రాధాకృష్ణన్ అనే యువతి పోషిస్తుంది. ఇది బయోపిక్ కాదని.. బయోపిక్ ను మించిన రియల్ పిక్ అని ఇప్ప‌టికే ప్రకటించారు. ఆ దిశ‌గా వేగంగా అడుగులు పడుతున్నాయి. అయితే ఈ క‌థ‌లో ఏపీ కీల‌క రాజ‌కీయ నాకులంతా కూడా భాగ‌మే అని తెలుస్తోంది.

ఇప్ప‌టికే సినిమా లో చంద్ర‌బాబు నాయుడు పాత్ర ఉంటుంద‌ని తేలిపోయింది. ఆయ‌న ఆహార్యంతో కూడిన కొన్ని పోస్ట‌ర్లు నెట్టింట వైర‌ల్ అయ్యాయి. తాజాగా వ‌ర్మ ప‌వ‌న్ క‌ళ్యాన్ పాత్ర‌ని వ్యూహం లో డిజైన్ చేసిన‌ట్లు క‌నిపిస్తోంది. తాజాగా ప‌వ‌న్ కొత్త లుక్ని నెట్టింట వ‌దిలారు వ‌ర్మ. ఇందులో ప‌వ‌న్ పాత్ర ధారి తెలుపు దుస్తులు ధ‌రించి....మెడ‌లో పార్టీ కండువా వేసుకుని...నేల‌ పై ప‌డుకుని పైన ఏవో లెక్క‌పెడుతున్న‌ట్లు వేలు చూపిస్తున్న‌ట్లు క‌నిపిస్తుంది.

అచ్చంగా ప‌వ‌న్ ఆహార్యంలో ఆ పాత్ర‌ని దించేసారు వ‌ర్మ‌. వాస్త‌వానికి 'వ్యూహం'లో పప‌న్ పాత్ర ఉండ‌ద‌ని చాలా మంది భావించారు. కేవ‌లం చంద్ర‌బాబు..జ‌గ‌న్ రాజ‌కీయ ఎత్తుగ‌డ‌ల‌ కు సంబంధించిన అంశాల్ని హైలైట్ చేస్తున్నార‌ని ప్ర‌చారం సాగింది. కానీ తాజాగా ప‌వ‌న్ లుక్ తో ఆయ‌న పాత్ర సినిమా లో కీల‌కం అని క్లారిటీ వ‌చ్చేసింది. ఈ పోస్ట‌ర్ పై ప‌వ‌న్ అభిమానులు భ‌గ్గుమంటున్నారు. వ‌ర్మ‌ పై త‌మ‌దైన శైలిలో విమ‌ర్శ‌లు గుప్పిస్తున్నారు. వీటిని వ‌ర్మ అంతే లైట్ తీసుకున్నారు.