LCUలో ప్రభాస్ ఉన్నాడా లేడా?.. క్లారిటీ ఇచ్చేసిన లోకేశ్
ఖైదీ, విక్రమ్ చిత్రాలకు లింక్ పెట్టారు. ఇక ఇప్పుడు లియో కూడా ఎల్సీయూలో భాగమేనని ప్రచారం సాగుతోంది.. కానీ ఇంకా దీనిపై స్పష్టత రాలేదు.
దర్శకుడు లోకేశ్ కనగరాజ్.. ఇటీవలే పాన్ ఇండియా స్టార్ ప్రభాస్తో ఓ సినిమా చేయబోతున్నట్లు ప్రకటించిన సంగతి తెలిసిందే. దీంతో ఈ సినిమా లోకేశ్ సినిమాటిక్ యూనివర్స్లో (LCU) భాగమా కాదా అన్న అనుమానాలు వచ్చాయి. అయితే తాజాగా దీనిపై క్లారిటీ ఇచ్చారు లోకేశ్ కనగరాజ్.
వివరాళ్లోకి వెళితే.. లోకేశ్ కనగరాజ్.. తన చిత్రాలను కనెక్ట్ చేస్తూ లోకేశ్ సినిమాటిక్ యూనివర్స్ను సృష్టించారు. ఖైదీ, విక్రమ్ చిత్రాలకు లింక్ పెట్టారు. ఇక ఇప్పుడు లియో కూడా ఎల్సీయూలో భాగమేనని ప్రచారం సాగుతోంది.. కానీ ఇంకా దీనిపై స్పష్టత రాలేదు. ఈ చిత్రం మరో రెండు రోజుల్లో రిలీజ్ కానుంది. ఈ సినిమా ప్రమోషన్స్లోనే ప్రభాస్ సినిమా గురించి ఆ మధ్య అనౌన్స్ చేశారు.
తాజాగా మరో ప్రమోషన్స్లో ప్రభాస్ సినిమా.. ఎల్సీయూలో భాగామా కాదా అనే విషయమై క్లారిటీ ఇచ్చారు. ప్రభాస్తో తాను చేసే సినిమా ఎల్సీయూలో భాగం కానేకాదని చెప్పేశారు. ఈ చిత్రం స్టాండ అలోన్గా ప్రత్యేకంగా ఉంటుందని పేర్కొన్నారు. తన గత సినిమాలకు, ప్రభాస్తో చేసే చిత్రానికి సంబంధం ఉండదని అన్నారు.
ప్రభాస్ కోసం ఒక ఒరిజినల్ స్టోరీని సిద్ధం చేస్తానని లోకేశ్ చెప్పారు. దీంతో ప్రభాస్ - లోకేశ్ సినిమాపై అభిమానుల్లో మరింత హైప్ పెరిగింది. అయితే ఈ సినిమా పట్టాలెక్కేందుకు మరో రెండేళ్ల సమయమైనా పట్టే అవకాశం ఉంది. ఎందుకంటే ప్రస్తుతానికి వీరిద్దరి చేతిలో చాలా ప్రాజెక్ట్ ఉన్నాయి.
ఇకపోతే లోకేశ్.. తన తర్వాతి సినిమా సూపర్ స్టార్ రజనీకాంత్తో తలైవార్ 171 చేస్తున్నారు. ఇది కూడా స్టాండ్ అలోన్గా ఉంటుందని క్లారిటీ ఇచ్చారు. దీన్ని బట్టి కార్తి ఖైదీ 2, కమల్ హాసన్ విక్రమ్ 2, సూర్యతో రోలెక్ట్ ఎల్సీయూలో భాగం అవుతాయని తెలిసింది. అలాగే లోకేశ్ మెగా పవర్ స్టార్ రామ్చరణ్తోనూ ఓ సినిమా చేయబోతున్నారు. ప్రస్తుతం చర్చలు జరుగుతున్నాయి. ఇది ఎల్సీయూలో భాగం అయ్యే అవకాశం ఎక్కువగా ఉందని చెబుతున్నారు.