ఆమె ఓ అద్భుతం, ఆమెతో ఉత్సాహం : ప్రభాస్‌

ప్రభాస్ సాధారణంగా హీరోయిన్స్ గురించి ఎక్కువగా మాట్లాడటం మనం చూసి ఉండం. కానీ తాజాగా ఒక అంతర్జాతీయ మీడియా సంస్థకు ఇచ్చిన ఇంటర్వ్యూలో ప్రభాస్ మాట్లాడుతూ తన కల్కి సినిమా హీరోయిన్‌ దీపికా పదుకునే పై ఆసక్తికర వ్యాఖ్యలు చేశాడు. దీపికా గురించి ప్రభాస్ చేసిన వ్యాఖ్యలు ప్రస్తుతం సోషల్‌ మీడియాలో వైరల్‌ అవుతున్నాయి.

ఇంటర్వ్యూ సందర్భంగా తన సహ నటి దీపికా ప్రస్తావన వచ్చిన సమయంలో ప్రభాస్ మాట్లాడుతూ... ఆమె చాలా అందంగా ఉంటారు. ఆమెతో కలిసి నటించడం చాలా ఆనందంగా ఉంటుంది. ఆమె ఒక అద్భుతం. ప్రపంచ వ్యాప్తంగా ఫేమస్ అయిన ఆమె షూటింగ్ స్పాట్‌ లో అడుగు పెట్టడంతో అందరిలో ఉత్సాహం కనిపిస్తూ ఉంటుంది.

కల్కి 2898 ఏడీ సినిమా లో ఆమె తో కలిసి నటించడంతో మంచి అనుభవం ను పొందుతున్నట్లుగా ప్రభాస్‌ పేర్కొన్నాడు. చాలా కాలం నుంచి ఆమెతో కలిసి నటించే అవకాశం వస్తే బాగుండు అనుకునేవాడిని. కల్కి సినిమా తో ఆ అవకాశం దక్కిందని ప్రభాస్ తన మనసులో ఉన్న మాటలను మీడియా ముందు చెప్పేశాడు.

బాలీవుడ్ తో పాటు హాలీవుడ్‌ సినిమాల్లో కూడా కన్నుల విందు చేస్తూ ఉన్న దీపికా పదుకునే ప్రస్తుతం పాన్ వరల్డ్‌ స్టార్‌.. గ్లోబల్‌ స్టార్‌ అంటూ కీర్తించబడుతుంది. పాన్ ఇండియా స్టార్‌ అయిన ప్రభాస్ ను ఎంతో మంది అభిమానిస్తూ ప్రేమిస్తారు.. అలాంటిది ఆయన తన తోటి నటి దీపికా ను అంతగా అభిమానిస్తున్నారు అంటే నిజంగా గొప్ప విషయం.. ఆ అభిమానం ను బయటకు చెప్పడం మరింత గొప్ప విషయం అంటూ ప్రభాస్ ఫ్యాన్స్ మాట్లాడుకుంటున్నారు.