అనుకున్న సమయానికే హనుమాన్​.. ఓ ప్లాన్ రెడీ

విజువల్స్‌తో వండర్స్​తో ప్రేక్షకులను ఎంతగానో ఆకట్టుకుంటున్న దర్శకుడు ప్రశాంత్‌ వర్మ. కొత్త కాన్సెప్ట్‌ల సినిమాలతో వైవిధ్యాన్ని ప్రదర్శిస్తూ.. ప్రత్యేకమైన గుర్తింపు తెచ్చుకున్నారు. త్వరలోనే 'హను-మాన్‌'తో ప్రేక్షకులను పలకరించనున్నారు. సినీ ప్రియులు ఎంతో ఆసక్తిగా ఎదురుచూస్తున్న ఈ సినిమా ఏకంగా 11 భాషల్లో రిలీజ్‌ కానున్నట్లు ఆ మధ్యలో వార్తలు కూడా వచ్చాయి. ఇప్పటికే విడుదలైన టీజర్‌కు మంచి ప్రేక్షకాదరణ లభించింది. సోషల్​మీడియాలో యూట్యూబ్‌లో ఫుల్​ ట్రెండింగ్‌ అయింది. అంతర్జాతీయ స్థాయిలో ప్రశంసలు అందుకుందీ టీజర్​. అప్పట్లో ఈ టీజర్ విజువల్ ఎఫెక్ట్ వల్ల భారీ బడ్జెట్​ ఆదిపురుష్​ కూడా ట్రోల్స్​కు గురౌవ్వాల్సి వచ్చింది.

ఈ సినిమా వచ్చే ఏడాది జనవరి 12 సంక్రాంతి కానుకగా పాన్ ఇండియా స్థాయిలో రిలీజ్​ కానుంది. ఈ సినిమా కచ్చితంగా హిట్​ అవుతుందని సినీ ప్రియులు ఆశిస్తున్నారు. ప్రశాంత్​ వర్మ ఈ చిత్రంతో ఏదో అద్భుతమే చేస్తాడని భావిస్తున్నారు. దీనిపై మంచి అంచనాలే పెటుకున్నారు. అయితే టీజర్ రిలీజయ్యాక.. ఈ సినిమా ఎలాంటి చప్పుడు చేయలేదు. ఎటువంటి అప్డేట్స్​ కూడా రాలేదు.

దీంతి ఈ సినిమా అనుకున్న సమయానికే వస్తుందా అన్న అనుమానాలు కూడా వచ్చాయి. ఎందుకంటే అదే సమయంలో మహేశ్ గుంటూరు కారం, కమల్​ హాసన్​ ఇండియన్ 2 చిత్రాలు కూడా వస్తున్నాయి. అయితే తాజాగా అందిన సమాచారం ప్రకారం.. ఇప్పుడు ముందుగా అనుకున్న తేదీ ప్రకారం పక్కాగా విడుదల చేయాలని మూవీటీమ్ ఫిక్స్ అయినట్లు తెలిసింది. విడుదల తేదీకి ఇంకా నాలుగు నెలలు సమయం ఉండటం వల్ల ఇక ప్రమోషన్స్​ కూడా మొదలుపట్టాలని మూవీటీమ్ ఫిక్స్ అయిందట

అక్టోబర్​లో ట్రైలర్​ విడుదల చేసి ప్రమోషన్స్​ ప్రారంభిస్తారని తెలిసింది. సినిమా పాన్ ఇండియా స్థాయిలో విడుదల కానుండటం వల్ల.. ఇక అప్పటి నుంచి నాన్​ స్టాప్​ పబ్లిసిటీ చేస్తారట. బాలీవుడ్​లో పంపిణీకి సంబంధించిన ఏర్పాట్లు కూడా చేసుకుంటున్నారట. పబ్లిసిటీకి కావాల్సిన కంటెంట్ మొత్తం కూడా రెడీ అయిపోయిందని ఇన్​సైడ్ టాక్ వినిపిస్తోంది.

ఇకపోతే ఈ సినిమా కోసం అంజనాద్రి అనే ప్రపంచాన్ని సృష్టించినట్లు గతంలో తెలిపారు దర్శకుడు ప్రశాంత్. ఈ సినిమా కోసం ఎన్నో వీఎఫ్ఎక్స్‌ స్టూడియోలతో కలిసి పనిచేశారట. సినిమాలో తేజ సజ్జ హీరోగా నటించారు. అమృతా అయ్యర్‌ హీరోయిన్​గా నటించింది. ప్రైమ్‌ షో ఎంటర్‌టైన్‌మెంట్‌ పతాకంపై కె.నిరంజన్‌ రెడ్డి నిర్మించారు.