పుష్ప 2 నాలుగు రోజుల కలెక్షన్స్.. ఆల్ టైమ్ బెస్ట్ రికార్డ్!

ఇండియన్ సినిమా ఇండస్ట్రీలో చాలా రోజుల తరువాత బాక్సాఫీస్ వద్ద ఉహించని రికార్డులు క్రియేట్ అవుతున్నాయి. ఇక కొత్త చరిత్ర సృష్టిస్తున్న పుష్ప 2: ది రూల్ ప్రపంచవ్యాప్తంగా విపరీతమైన వసూళ్లతో రికార్డులు తిరగరాస్తోంది. ఈ సినిమా ప్రారంభ రోజు నుంచే అద్భుతమైన టాక్ తో బాక్సాఫీస్ ను షేక్ చేస్తోంది. ఇక అత్యధిక వేగంగా 500 కోట్ల క్లబ్ లో చేరిన సినిమాగా రికార్డ్ క్రియేట్ చేసిన పుష్ప ఇప్పుడు మరికొన్ని రికార్డులను అందుకుంది.

పుష్ప 2 నాలుగు రోజుల్లో రూ. 829 కోట్ల గ్రాస్ కలెక్షన్లతో భారతీయ సినిమా ఇండస్ట్రీ చరిత్రలో మరో సరికొత్త రికార్డును నెలకొల్పింది. ఈ సినిమా డే 1 నుంచి డే 4 వరకు ప్రతి రోజూ పరిశ్రమ స్థాయిలో అత్యధిక వసూళ్ల రికార్డులు నమోదు చేసింది. దాదాపు అన్ని భాషల్లో అద్భుతమైన రిజల్ట్ ను పొందిన ఈ చిత్రం, ముఖ్యంగా హిందీ బాక్సాఫీస్ వద్ద బ్రహ్మాండమైన విజయాన్ని సాధించింది. హిందీ వెర్షన్ తొలి నాలుగు రోజుల్లోనే రూ. 291 కోట్లు వసూలు చేయడం విశేషం.

ఐకాన్ స్టార్ అల్లు అర్జున్ మరియు డైరెక్టర్ సుకుమార్ కాంబినేషన్ ఈ చిత్రానికి ప్రధాన ఆకర్షణగా నిలిచింది. రోజుకు రోజుకు పెరుగుతున్న పాపులారిటీతో, ఈ సినిమా థియేటర్లలో అడుగు పెట్టిన ప్రతీ ఆడియన్స్‌ను ఆకట్టుకుంటోంది. ఇక హయ్యెస్ట్ ఫస్ట్ వీకెండ్ గ్రాస్ కలెక్షన్స్"లో పుష్ప 2 అగ్రస్థానంలో నిలిచింది. బాహుబలి 2, కెజిఎఫ్ ఛాప్టర్ 2, పఠాన్ వంటి చిత్రాలను వెనక్కి నెట్టి, తనదైన మార్క్‌ను సృష్టించింది.

నాలుగు రోజుల్లోనే రూ. 800 కోట్ల మార్క్‌ను దాటిన తొలి సినిమా గౌరవం పుష్ప 2కి దక్కింది. మొదటి 4 రోజుల్లో అత్యధిక కలెక్షన్స్ అందికున్న సినిమాల.నెంబర్లు ఈ విధంగా ఉన్నాయి.

పుష్ప 2: 829 కోట్లు

కల్కి : 555 కోట్లు

KGF 2: 546 కోట్లు

పఠాన్ : 543 కోట్లు

బాహుబలి 2: 540 కోట్లు

ఆదివారం రోజున హిందీ బాక్సాఫీస్ వద్ద ఈ చిత్రం రూ. 86 కోట్లు వసూలు చేసింది. ఇది సాధారణ రోజుల్లో, పండుగలు లేకుండా వచ్చిన ఓపెనింగ్ వీకెండ్ రికార్డుగా నిలిచింది. ఇది తెలుగు సినిమా స్థాయిని మరింత పెంచిన సినిమా అనే చెప్పొచ్చు. పుష్ప 2: ది రూల్ ఒక చారిత్రక బ్లాక్‌బస్టర్. నాలుగు రోజుల్లోనే ప్రపంచవ్యాప్తంగా రూ. 829 కోట్ల గ్రాస్ కలెక్షన్లను సాధించి, ఈ చిత్రం ఆల్ టైమ్ రికార్డులను తిరగరాసింది. ఇది కేవలం సినిమా కాదు, ఒక జాతర లాంటి విజయాన్ని సాధించింది.